საპატრიარქო ტახტის მოსაყდრე, მეუფე შიომ ნიკა რურუას ოჯახს მიუსამძიმრა

ნიკა რურუა ვერის სასაფლაოზე, წმინდა დიდმოწამე პანტელეიმონ მკურნალის სახელობის ტაძარშია დასვენებული. ვერის სასაფლაოზე ნიკა რურუას მეგობრები, მისი თანაპარტიელები და ნათესავები იკრიბებიან.

მათი თქმით, ნიკა რურუა დააკლდება როგორც ქვეყანას, ასევე პირადად მათ.

ოჯახთან სამძიმრის გამოსახატად მივიდა საპატრიარქო ტახტის მოსაყდრე, მეუფე შიო.

პოლიტიკოსები აცხადებენ, რომ ნიკა რურუა ქვეყნისთვის დიდი დანაკარგია.

„ის მუდმივად სახელმწიფოებრივად საუბრობდა და ფიქრობდა. დიდი დანაკლისია ყველასთვის", - განაცხადა „ნაციონალური მოძრაობის“ ერთ-ერთმა ლიდერმა ნიკა მელიამ.

„ნიკა რურუა ჩემი კურსელი იყო. ჩვენ ერთად ვსწავლობდით სარეჟისორო ფაკულტეტზე. ძალიან დამწყდა გული", - განაცხადა სოსო ჯაჭვლიანმა.

ნიკა რურუას ტაძრიდან 15:00 საათზე გამოასვენებენ და ვერის სასაფლაოზე დაკრძალავენ.

„ნაციონალური მოძრაობის“ ერთ-ერთი ლიდერი, ყოფილი დეპუტატი და ყოფილი კულტურის მინისტრი ნიკა რურუა 50 წლის ასაკში საკუთარ სახლში, 4 დეკემბერს გარდაცვლილი იპოვეს.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა