პარლამენტის რიგგარეშე პლენარული სხდომა ნიკა რურუას ოჯახისადმი მისამძიმრებით დაიწყო.
სამძიმრის განცხადება პარლამენტის სახელით სხდომის წამყვანმა ზვიად ძიძიგურმა გააკეთა.
“გარდაიცვალა მეექვსე და მეშვიდე მოწვევების პარლამენტის წევრი ნიკოლოზ რურუა. მსურს, პარლამენტის სახელით სამძიმარი გამოვუცხადო მის ოჯახსა და ახლობლებს“, - განაცხადა ძიძიგურმა პლენარული სხდომის დაწყებისას.
ნიკა რურუას დღეს დაკრძალავენ. 50 წლის პოლიტიკოსის გარდაცვალების მიზეზად გულის შეტევა სახელდება.