გიორგი გახარია - მ.კ.-სთან დაკავშირებით თქვენ აირჩიეთ სახალხო მართლმსაჯულების პრინციპი და ჩათვალეთ, რომ ეს იქნებოდა პოლიტიკურად ყველაზე ხმამაღალი განცხადება

მ.კ.-სთან დაკავშირებით თქვენ აირჩიეთ სახალხო მართლმსაჯულების პრინციპი და ჩათვალეთ, რომ ეს იქნებოდა ყველაზე მოსაწონი და პოლიტიკურად ყველაზე ხმამაღალი განცხადება, - ასე მიმართავს პარლამენტის დროებითი საგამოძიებო კომისიის წევრებს „ევროპული საქართველოდან“ შს მინისტრი გიორგი გახარია იმ კითხვების საპასუხოდ, თუ რატომ არ მოხდა მ.კ.-ს მიმართ სისხლის სამართლებრივი დევნის დაწყება.

მისი თქმით, „ევროპული საქართველოს“ წევრებმა მ.კ.-ს მიმართ ასეთი განცხადებების გაკეთებით საგამოძიებო კომისიის დისკრედიტაცია მოახდინეს. „სამართლიანობის პრინციპიდან გამომდინარე, შემიძლია ერთმნიშვნელოვნად განვაცხადო, რომ ყველაზე მარტივი შედეგი ჩვენთვის იქნებოდა თქვენსავით გვეთქვა, რომ არსებობს ყველანაირი საფუძველი მ.კ.-ზე დევნის დაწყების, მაშინ, როდესაც შესაბამისი სტანდარტი არ არსებობს. თქვენ მარტივი არჩევანი გააკეთეთ, აირჩიეთ სახალხო მართლმსაჯულების პრინციპი და ჩათვალეთ, რომ ეს იქნებოდა ყველაზე მოსაწონი და პოლიტიკურად ყველაზე ხმამაღალი განცხადება. ეს თქვენი ნება იყო და აქედან გამომდინარე, თქვენ დისკრედიტაცია მოახდინეთ საგამოძიებო კომისიის ინსტიტუტის. ჩვენ, მაქსიმალურად დეტალურად ვსწავლობთ და ვაგრძელებთ იმ კომპონენტის გამოყოფას, რომელსაც ჰქვია კალანდიას ფუნქცია და ეს გამოძიება გრძელდება. ამ საქმის ფარგლებში, მას შემდგომ, რაც გამოიყო ცალკე საქმე, რამდენიმე ადამიანია დაკავებული და იქ ჩვენ გარკვეულ პერსპექტივებს ვხედავთ. ამაზე მეტი საუბარი უპასუხისმგებლობა იქნება, პოლიტიკურ სპეკულირებას კი ადამიანების ბრალეულობით, მათი დაკავებით და მით უმეტეს, იმ ტრაგიკული შედეგებით, რაც იყო, არ ვაპირებ ზოგიერთებივით“, - განაცხადა გახარიამ.

რაც შეეხება მ.კ.-ს ნაწილს, მინისტრის თქმით, ამ მიმართულებით მუშაობა გრძელდება. „დღეის მდგომარეობით, სამწუხაროდ, არ გვაქვს საკმარისი საფუძველი იმისთვის, რომ კონკრეტული ნაბიჯები გადავადგათ, თუმცა ვმუშაობთ ძალიან აქტიურად“, - აღნიშნა გახარიამ.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 29.01.2020
მამუკა გონგაძე - ენგურის ხიდთან არ უნდა იყოს აღმართული საქართველოს სახელმწიფო დროშა
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა