სარალიძე ყველაზე ღირსეულად იჯდა და ყველაზე ღირსეულად მოითმინა ის ყველაფერი, რაც აქ ხდებოდა, - აღნიშნული განცხადება პარლამენტის ტრიბუნიდან შს მინისტრმა გიორგი გახარიამ გააკეთა.

გახარიამ “ევროპული საქართველოს“ წარმომადგენლები ხორავას ქუჩაზე მომხდარი მკვლელობის საქმეზე პარლამენტის საგამოძიებო კომისიის საქმიანობის გამო კიდევ ერთხელ გააკრიტიკა და უმცირესობა საგამოძიებო კომისიის იდეის დაზიანებაში დაადანაშაულა.

შს მინისტრმა ოპოზიციას მიმართა, რომ იმედი აქვს, “პასუხისმგებლობა ეყოფათ და საპარლამენტო კონტროლსაც იგივენაირად არ მოექცევიან“.

“როდესაც თქვენ აიღეთ პასუხისმგებლობა სარალიძის ქეისის, რომელიც აქ ყველაზე ღირსეულად იჯდა და ყველაზე ღირსეულად მოითმინა ის ყველაფერი, რაც აქ ხდებოდა - აქედან წამოგეღოთ უზარმაზარი პოლიტიკური დივიდენდები, იცოდეთ, რომ პასუხისმგებლობის აღებაც მოგიწევთ! მე ამას თქვენ პირდაპირ გპირდებით, გამომდინარე იქიდან როგორ, რა ფორმატში ჩაატარეთ საგამოძიებო კომისიის მუშაობა“, - მიმართა გიორგი გახარიამ “ევროპული საქართველოს“ წევრებს.

იხილეთ ვიდეო: "ზედმეტად ემოციური გამოვიდა..." - გიორგი გახარიას დასკვნითი სიტყვა პარლამენტში