გაზის აფეთქების შედეგად გარდაცვლილები დაკრძალეს

დიდ დიღომში მომხდარი ტრაგედიის დროს გარდაცვლილები დაკრძალეს. გარდაცვლილები ნათია ციცვიძე, მისი მცირეწლოვანი შვილი და ნათიას და ნინო ციცვიძე ქაშუეთის ეკლესიიდან გამოასვენეს და საბურთალოს სასაფლაოზე დაკრძალეს.

მანამდე კი ტაძარში სამოქალაქო პანაშვიდი გაიმართა, რომელსაც სრულიად საქართველოს კათოლიკოს-პატრიარქი ილია მეორე და დედაქალაქის მერი კახა კალაძე დაესწრნენ. უწმინდესმა სრულიად საქართველოს გარდაცვლილთა სულებისთვის ლოცვა სთხოვა.

დიდ დიღომში, ავთანდილის ქუჩაზე ძლიერი აფეთქება, რამაც ნგრევა გამოიწვია, ოთხი დღის წინ მოხდა. ნგრევის შედეგად 4 ადამიანი დაიღუპა, მათ შორის, ერთი 4 წლის ბავშვი. აფეთქების დროს 8 ადამიანი დაშავდა.

მომხდარი აფეთქების საქმეზე შინაგან საქმეთა სამინისტრომ „ყაზტრანსგაზ-თბილისის“ ორი თანამშრომელი დააკავა. დაკავებულებს, თორნიკე ტატიშვილსა და ვაზელ მამადიანს თბილისის საქალაქო სასამართლომ დღეს აღკვეთის ღონისძიების სახით პატიმრობა შეუფარდა. ტატიშვილსა და მამადიანს ბრალი სისხლის სამართლის კოდექსის 220-ე პრიმა მუხლის მეორე ნაწილით აქვთ წაყენებული, რაც სამსახურეობრივ გულგრილობას გულისხმობს.

იხილეთ ვიდეო: დიდ დიღომში აფეთქების შედეგად გარდაცვლილები დაკრძალეს

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა