დიდ დიღომში, ავთანდილის ქუჩაზე მდებარე კორპუსში, სადაც 16 იანვარს აფეთქება მოხდა, ლევან სამხარაულის სახელობის ექსპერტიზის ეროვნული ბიუროს წარმომადგენლებს ელოდებიან.

ავთანდილის 8 ნომერში მცხოვრებლების ინფორმაციით, ექსპერტები ადგილზე 12:00 საათისთვის მივლენ.

სწორედ ექსპერტებმა უნდა დადონ საბოლოოდ დასკვნა, რამდენად ვარგისია აღნიშნული კორპუსი საცხოვრებლად, ასევე ექსპერტიზამ უნდა დაადგინოს ვის რა ოდენობის ზარალი მიადგა აფეთქების შედეგად.

შეგახსენებთ, რომ დიდ დიღომში 16 იანვარს მომხდარი აფეთქების შედეგად 4 ადამიანი დაიღუპა.