პროკურატურა - გენერალ ქუთათელაძის მკვლელობაში ბრალდებულის დაცვის მხარემ ვერ უზრუნველყო მტკიცებულებების დროული გამოკვლევა

გენერალ სამსონ ქუთათელაძის მკვლელობაში ბრალდებულ გიორგი ჭანტურიას დაცვის მხარემ ვერ უზრუნველყო მტკიცებულებების დროული გამოკვლევა. ამის შესახებ ნათქვამია პროკურატურის განცხადებაში.

„გენერალ ქუთათელაძის მკვლელობის საქმეზე ბრალდების მხარემ გ.ჭ.-ს ბრალეულობის დამადასტურებული მტკიცებებულებების გამოკვლევა დაასრულა სასამართლოს მიერ ბრალდების მხარისთვის განსაზღვრულ ვადაში. 2019 წლის მარტის თვიდან სასამართლოში მტკიცებულებების გამოკვლევას აწარმოებდა დაცვის მხარე, რომელმაც ვერ უზრუნველყო მათი დროული გამოკვლევა სისხლის სამართლის საპროცესო კანონმდებლობით დადგენილ, პატიმრობის 9 თვიან ვადაში. 2019 წლის 3 მაისს, სასამართლომ მიიღო გადაწყვეტილება გ.ჭ.-სთვის აღკვეთის ღონისძიების შეცვლის თაობაზე. ბრალდებულს შეეფარდა გირაო და ასევე, გირაოსთან ერთად დაეკისრა დამატებითი ვალდებულებები. საქმის სასამართლო განხილვა გრძელდება და დაცვის მხარის მტკიცებულებების გამოკვლევის დასრულების შემდეგ, სასამართლო მიიღებს შემაჯამებელ გადაწყვეტილებას. გ.ჭ. სამართალდამცავებმა 2018 წლის 7 აგვისტოს სასამართლოს განჩინების საფუძველზე დააკავეს. მას წარედგინა ბრალდება სამსონ ქუთათელაძის განზრახ მკვლელობისა და ცეცხლსასროლი იარაღის, საბრძოლო მასალის მართლსაწინააღმდეგო შეძენა, შენახვა, ტარების ფაქტზე, სსკ 108-ე და 236-ე მუხლის მე-2 და მე-3 ნაწილებით გათვალისწინებული დანაშაულის ნიშნებით“, - აღნიშნულია პროკურატურის განცხადებაში.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან