ცესკო - 8-ვე საარჩევნო უბანზე, სადაც ხმის ელექტრონული დათვლის საპილოტე პროექტი მიმდინარეობდა, საარჩევნო კომისიების მიერ ხელით დათვლილი შედეგები აბსოლუტურად დაემთხვა

8-ვე საარჩევნო უბანზე, სადაც ხმის ელექტრონული დათვლის საპილოტე პროექტი მიმდინარეობდა, საარჩევნო კომისიების მიერ ხელით დათვლილი შედეგები აბსოლუტურად დაემთხვა. ამის შესახებ ცესკოს სპიკერმა ანა მიქელაძე ბრიფინგზე განაცხადა.

მისივე ინფორმაციით, საპილოტე პროექტი ჩართულ მხარეებთან, როგორც ამომრჩეველთა ქცევის, ისე საარჩევნო პროცესის დეტალური ანალიზის შემდეგ შეფასდება.

„19 მაისს, წყალტუბოსა და ტყიბულის 8 საარჩევნო უბანზე მიმდინარეობდა ხმის ელექტრონული დათვლის საპილოტე პროექტის შემდეგი ეტაპი. მნიშვნელოვანია, რომ ელექტრონული აპარატების მიერ ზუსტად იქნა დათვლილი შედეგები ბათილი ბიულეტენების ჩათვლით და ფაქტობრივად, საუბნო საარჩევნო კომისიების მიერ კანონმდებლობის თანახმად, შემდგომში ხელით დათვლილი შედეგები დაემთხვა ელექტრონულ შედეგებს. ელექტრონული ხმის დათვლის საპილოტე პროექტი შეფასდება როგორც ამომრჩეველთა ქცევის, ისე საარჩევნო პროცესის დეტალური ანალიზის შემდეგ ჩართულ მხარეებთან და რა თქმა უნდა, ფართო საზოგადოებასთან ერთან",- განაცხადა მიქელაძემ.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს