ლევან გოგიჩაიშვილი - გამორიცხულია მთაწმინდაზე არჩევნები „მურუსიძეს“ მოეგო - ის, რაც მთაწმინდის ოლქში მოხდა, “ქართული ოცნებისათვის“ არის წაგება

გამორიცხულია მთაწმინდაზე არჩევნები „მურუსიძეს“ მოეგო - ის, რაც მთაწმინდის ოლქში მოხდა, “ქართული ოცნებისათვის“ არის წაგება, - ასე ეხმაურება 19 მაისის შუალედურ არჩევნებს პარლამენტის წევრი ლევან გოგიჩაიშვილი.

დეპუტატის აზრით, თუკი არჩევნების მეორე ტურში მაჟორიტარობის კანდიდატები ლევან იოსელიანი, გრიგოლ გეგელია და ჰერმან საბო მხარს შალვა შავგულიძეს დაუჭერენ, არჩევნებს შავგულიძე მოიგებს, წინააღმდეგ შემთხვევაში კი, მას გამარჯვება გაუჭირდება და მეორე ტურს, სავარაუდოდ, ლადო კახაძე მოიგებს.

“ქართულმა ოცნებამ“ მთაწმინდაზე წარმოუდგენლად ცუდი შედეგი დადო, მაშინ როცა შტაბს ქალაქის მერი ხელმძღვანელობდა და თბილისის მთელი პარტიული რესურსი მობილიზებული იყო. როცა საპარლამენტო ციკლის დასრულებამდე ერთი წელია დარჩენილი, შუალედურ არჩევნებს “მკვდარი სეზონი“ ქვია. როგორც წესი, ასეთ დროს ყოველთვის ხელისუფლება იგებს. თბილისში მორალური ზღვარი წაშლილია და ეს იგრძნობა. ადამიანები თბილისში “ქართული ოცნების“ გამარჯვებაში საკუთარ გამარჯვებას ვეღარ ხედავენ და “ქართული ოცნების“ წარმომადგენლის გამარჯვებით ვერ ზეიმობენ. ზუგდიდმა აბსოლუტურად სწორი გადაწყვეტილება მიიღო, როცა ორი სიმახინჯიდან უფრო ნაკლები სიმახინჯე აირჩია. თბილისში მორალური კონსენსუსის კანდიდატი რომ ყოფილიყო, მთაწმინდის არჩევნებიც “ქართული ოცნებისათვის“ დამთავრებული იქნებოდა - მორალური ბლოკის კანდიდატი “ქართულ ოცნებას“ ყველგან მოუგებს არჩევნებს, განსაკუთრებით თბილისში“, - განცხადა ლევან გოგიჩაიშვილმა “ინტერპრესნიუსთან“ საუბრისას.

ცესკოს მონაცემებით, მთაწმინდის ოლქში “ქართული ოცნების“ კანდიდატმა ლადო კახაძემ ხმების 41%, შალვა შავგულიძემ კი 36,83% მიიღო. არჩევნების ამ შედეგით, მეორე ტური ჩატარდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024