ე.წ. ჩინელების ბაზრობაზე ხანძარი ლოკალიზებულია და ამ წუთებში სალიკვიდაციო სამუშაოები მიმდინარეობს, - ამის შესახებ საგანგებო სიტუაციების მართვის თბილისის სამმართველოს უფროსმა ოთო კერესელიძემ განაცხადა.

კერესელიძემ ასევე იმ მოქალაქეების ბრალდებებს უპასუხა, რომლებიც სახანძრო-სამაშველო ბრიგადებს წყლის არ ქონაში ადანაშაულებდნენ. კერესელიძის განცხადებით, ამის თქმის საფუძველი მოქალაქეებს იმიტომ გაუჩნდათ, რომ ხანძრის ჩაქრობა ქვემოდან ხდებოდა და რადგანაც ამას მოვაჭრეები ვერ ხედავდნენ, ეგონათ, რომ წყალი არ იყო ტერიტორიაზე.

"საერთო ჯამში დაიწვა დაახლოებით 1000 კვადრატული მეტრი ფართობი. ადგილზე მობილიზებული იყო 17 სახანძრო-სამაშველო ჯგუფი. ამჟამად ხანძარი არის ლოკალიზებული და მიმდინარეობს სალიკვიდაციო სამუშაოები. თავიდან დაიწყო ზემოდან ხანძრის ჩაქრობა, შემდეგ ქვემოდან, ამიტომ მოსახლეობას და მოვაჭრეებს ეგონათ, რომ რადგან ზემოდან წყალი აღარ ესხმეოდა, წყალი არ გვქონდა", - განაცხადა ოთო კერესელიძემ