საქართველოს ექსპრეზიდენტი მიხეილ სააკაშვილი ხელისუფლებისთვის იბრძვის, ხოლო ტელეარხი „რუსთავი2“ - ეს მისი პოლიტიკის ინსტრუმენტია, - ამის შესახებ რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა „ფეისბუქის“ საკუთარ გვერდზე წერს.
მისი თქმით, სააკაშვილის წინასაარჩევნო კამპანია შევიდა ფაზაში „უკანასკნელი ბრძოლა“.
„ის ყველა საშუალებით შეეცდება ხელისუფლებისკენ გაჭრას. მკვეთრად, ცინიკურად, ნებისმიერ ფასად, მათ შორის საზოგადოების ტოტალური გახლეჩის ფასადაც. „რუსთავი2“ მისი პოლიტიკის ინსტრუმენტია“, - წერს ზახაროვა.
