„რუსთავი 2“ - ის შენობასთან შეკრებილებმა რუსთაველის გამზირზე გადანაცვლების გადაწყვეტილება მიიღეს. როგორც აქციის ერთ-ერთმა მონაწილემ განაცხადა, დღეს „რუსთავი 2“-თან სიტყვით გამოსვლების ნაწილი დასრულებულია.

"დღეს, მშვიდობიანი დემონსტრანტები ვაპირებთ, გადავინაცვლოთ რუსთაველის გამზირზე და შევუერთდეთ მათ, სადაც დგას მთელი საქართველო", - აღნიშნა აქციის ერთ-ერთმა მონაწილემ. კითხვაზე, კონკრეტულად რომელ აქციას უერთდებიან, „თბილისი პრაიდის“ საწინააღმდეგო აქციას თუ თუ ანტისაოკუპაციო აქცია, აქტივისტმა განაცხადა: "არც ერთ აქციას, ვიქნებით იქ, სადაც დგას საქართველო".