პარლამენტის შენობის წინ აქცია "სირცხვილია" დასრულდა. აქცია 4 სექტემბერს, 19:00 საათზე განახლდება. მანამდე კი, 13:00 საათზე, „სირცხვილიას“ ორგანიზატორთა და მხარდამჭერთა ნაწილი აქციას იუსტიციის უმაღლეს საბჭოსთან გამართავს და მოსამართლეთა შერჩევის პროცედურას გააპროტესტებს.

აქციის ორგანიზატორთა თქმით, შერჩევის პროცედურა დარღვევით მიმდინარეობდა, ხოლო თავად საბჭოს შემადგენლობა არ სარგებლობს საზოგადოების ლეგიტიმაციით.

რაც შეეხება სამოქმედო გეგმას, ორგანიზატორები აღნიშნავენ რომ სამთავრობო ცვლილებებმა მათი გეგმებიც შეცვალა და კონკრეტულ აქტივობებზე იმსჯელებენ, თუმცა აქცია პარლამენტის შენობის წინ ყოველდღე გაიმართება.