თბილისის სახელმწიფო სამედიცინო უნივერსიტეტის სტუდენტები ხარკოვის დიპლომისშემდგომი სწავლების სამედიცინო აკადემიის კლინიკურ ბაზებზე იმყოფებოდნენ

თბილისის სახელმწიფო სამედიცინო უნივერსიტეტის მედიცინის, ფარმაციის, საზოგადოებრივი ჯანდაცვისა და მენეჯმენტის, ფიზიკური მედიცინის და რეაბილიტაციის ფაკულტეტების 20 სტუდენტი საზაფხულო სტაჟირების გასავლელად ხარკოვის დიპლომისშემდგომი სწავლების სამედიცინო აკადემიის (უკრაინა) კლინიკურ ბაზებზე იმყოფებოდა.

როგორც „ინტერპრესნიუსს“ თბილისის სახელმწიფო სამედიცინო უნივერსიტეტიდან აცნობეს, სტუდენტებს თსსუ-ის ფიზიკური მედიცინის და რეაბილიტაციის ფაკულტეტის ხარისხის უზრუნველყოფის სამსახურის უფროსი ლალი ხუციშვილი კურირებდა. სტუდენტებისთვის თეორიული და პრაქტიკული მეცადინეობები ტარდებოდა გადაუდებელი მედიცინის, სასამართლო მედიცინის, მეანობისა და გინეკოლოგიის, კარდიოლოგიის და ზოგადი ქირურგიის კათედრებზე.

„თბილისის სახელმწიფო სამედიცინო უნივერსიტეტის სტუდენტებმა მომზადების მაღალი დონე გამოავლინეს, რის გამოც ხარკოვის დიპლომისშემდგომი სწავლების სამედიცინო აკადემიის წარმომადგენლებისგან განსაკუთრებული შეფასება მიიღეს.

მედიკო-პროფილაქტიკური ფაკულტეტის დეკანმა, პროფესორმა იგორ ვორონჟევმა მადლობა გადაუხადა ქართველ სტუდენტებს, იმედი გამოთქვა, რომ თანამშრომლობა მომავალში კიდევ უფრო დიდ მასშტაბებს მიიღებს.

სტაჟირებაში მონაწილე ყველა სტუდენტს სერტიფიკატი გადაეცა.

უნივერისტეტის ინფორმაციით, ხარკოვის დიპლომისშემდგომი სწავლების სამედიცინო აკადემიის რექტორმა, პროფესორმა ალექსანდრ ხვისიუკმა თბილისის სახელმწიფო სამედიცინო უნივერსიტეტის რექტორს, პროფესორ ზურაბ ვადაჭკორიას საქართველოსა და უკრაინაში სამედიცინო განათლების სფეროში შეტანილი დიდი წვლილისთვის მადლობის წერილი გამოუგზავნა. ასევე, მადლობის წერილი მიიღო ლალი ხუციშვილმა სტუდენტებისთვის გაწეული ღვაწლის გამო“,-ნათქვამია ინფორმაციაში.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)