აჭარის მთავრობის სახლის მიმდებარე ტერიტორიაზე აქციის მონაწილეებმა კარავი გაშალეს. როგორც მათ განაცხადეს, საარჩევნო სისტემაში ცვლილებების მოთხოვნით საპროტესტო აქციების გაგრძელებას სწორედ აჭარის მთავრობის სახლთან გეგმავენ.

"ჩვენ კარავი გავხსენით, რომ აქ მუდმივად ვიყოთ და ის ფაქტი გავაპროტესტოთ, რაც პარლამენტში მოხდა. ვიქნებით იქამდე, სანამ ბიძინა ივანიშვილი არ მიიღებს ჩვენს მოთხოვნას. კარავი იმის მანიშნებელია, რომ აქედან წასვლას არ ვაპირებთ", - აცხადებენ აქციის მონაწილეები.

აჭარის მთავრობის სახლთან სამი საათია საპროტესტო აქცია მიმდინარეობს.