ცოტნე გამსახურდიას უცხოეთის კლინიკაში გადაყვანის ინფორმაციას ვერ დაგიდასტურებთ, ვინაიდან ასეთი ინფორმაცია ოფიციალურად ჩვენთან არ გაჟღერებულა, თუმცა აღვნიშნავ, რომ თუ პაციენტის გადაყვანა დაიგეგმა, ჩვენი მხრიდან მაქსიმალურად დავეხმარებით”, - ასე უპაუხა ხეჩინაშვილის კლინიკის ანესთეზიოლოგიის და რეანიმაციის დეპარტამენტის ხელმძღვანელმა ნიკოლოზ კვაჭაძემ ჟურნალისტის შეკითხვას, იგეგმება თუ არა ცოტნე გამსახურდიას უცხოეთის კლინიკაში გადაყვანა.

ექიმის განცხადებით, თუ პაციენტის გადაყვანა დაიგეგმება, პრობლემა არ იქნება, რადგან “დღეს მსოფლიოში არ არსებობს პაციენტი, რომლის ტრანსპორტირებაც არ შეიძლება, უბრალოდ უნდა მოხდეს სათანადო აღჭურვილობით და წესების დაცვით”.

“პაციენტის მდგომარეობა რჩება სტაბილურად მძიმე. რაიმე ტიპის ცვლილება ბოლო 24 საათის განმავლობაში არ მომხდარა, შესაბამისად მკურნალობის მოცულობა რჩება უცვლელი... მედიკამენტური მკურნალობა არ შეცვლილა, გამოკვლევები დაგეგმილია კვირის ბოლოს. გართულებების რისკი ისევე, როგორც სხვა პაციენტებს, ამ პაციენტსაც აქვს, მაგრამ, საბედნიეროდ, გართულებებს ჯერჯერობით ადგილი არ ჰქონია”, - განაცხადა ნიკოლზ კვაჭაძემ.

ცნობისთვის, დღეს ცოტნე გამსახურდიას მეუღლემ ანა ჯაბაურმა ჟურნალისტებთან განაცხადა, რომ ოჯახს პაციენტის უცხოეთის კლინიკაში გადაყვანა სურს.