გიორგი ვაშაძე - ანაკლიის პორტს გადამწყვეტი მნიშვნელობა აქვს ეკონომიკის განვითარებისთვის და ამას ებრძვის "ქართული ოცნება"- ფიქრობენ, რომ მშიერი ადამიანები უფრო მარტივად სამართავი არიან

„ახალი საქართველოს“ ლიდერის გიორგი ვაშაძის განცხადებით, „ანაკლიის განვითარების კონსორციუმთან“ მთავრობის მხრიდან ხელშეკრულების გაწყვეტა, საქართველოს მოქალაქეების წინააღმდეგ ანგარიშსწორებაა.

მისივე თქმით, ხელისუფლების ინტერესია საქართველოს არ ჰქონდეს ეკონომიკური პერსპექტივა.

"ანაკლიის პორტს აქვს გადამწყვეტი მნიშვნელობა ქართული ეკონომიკის განვითარებისთვის და შესაბამისად, ამას ებრძვის "ქართული ოცნება". ისინი ფიქრობენ, რომ მშიერი ადამიანები უფრო მარტივად სამართავი არიან არჩევნების თვალსაზრისით,"- განაცხადა გიორგი ვაშაძემ.

ის ასევე გამოეხმაურა რომან კაკულიას მიერ დღეს გაკეთებულ განცხადებებს და აღნიშნა, რომ კაკულიამ კიდევ ერთხელ დაადასტურა, რომ ხელისუფლება რუსულ დავალებებს ასრულებს.

"თუ რომან კაკულია ასე ფიქრობს, მაშინ უნდა დატოვოს უმრავლესობა, რადგან თუ ეს ყველაფერი ხელისუფლებამ რუსული საფრთხისთვის გააკეთა, მაშინ რუსეთის დავალებას ასრულებს ხელისუფლება. მან უნდა გადაწყვიტოს, უნდა თუ არა რუსული დავალების შემსრულებელი ხელისუფლების თანამონაწილე იყოს",- განაცხადა გიორგი ვაშაძემ.

შეგახსენებთ, რომ საქართველოს მთავრობა „ანაკლიის განვითარების კონსორციუმთან“ ხელშეკრულებას წყვეტს და შესაბამისი სამართლებრივი პროცედურების გატარებას იწყებს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა