არჩილ თალაკვაძე - ანაკლიის პროექტი ბოლომდე იქნება მიყვანილი, იქნება უფრო დახვეწილი და მასში უფრო საიმედო ადამიანები ჩაერთვებიან

მე დარწმუნებული ვარ, რომ ანაკლიის ეკონომიკური პროექტი იქნება ბოლომდე მიყვანილი, იქნება უფრო გამართული, უფრო დახვეწილი და მასში უფრო საიმედო ადამიანები ჩაერთვებიან, - ამის შესახებ პარლამენტის თავმჯდომარემ, არჩილ თალაკვაძემ ანაკლიის პორტის პროექტზე საუბრისას განაცხადა.

მისივე თქმით, მიხეილ სააკაშვილის განცხადება, რომ „ნაციონალურ მოძრაობას“ სურდა ანაკლიის პორტის აშენება, თუმცა ამისათვის ფული არ ჰქონდა, არის ტყუილი.

„ჩვენ მოვისმინეთ სააკაშვილის კიდევ ერთი ტყუილი, თითქოს "ნაციონალურ მოძრაობას" ყოველთვის სურდა ანაკლიის პორტის აშენება და ამისთვის ფული არ ჰქონდათ. მან დაასახელა სავარაუდო რიცხვი - 220 მილიონი, რაც სჭირდებოდა პორტის მშენებლობას და თქვა, რომ ეს ფული არ ჰქონდა სახელმწიფოს, არ ჰქონდა ხელისუფლებას, მაგრამ დაავიწყდა, რომ ამავე დროს ააშენა მეორე პარლამენტი, ააშენა საკუთარი რეზიდენცია, რასაც უფრო მეტი თანხა დაახარჯა, ვიდრე პორტის მშენებლობისთვის იყო საჭირო. ჩვენ, ჩვენს მოქალაქეებთან ერთად გავაგრძელებთ სტრატეგიული, ეკონომიკური ინფრასტრუქტურის განვითარებას, ჩვენ დავიწყებთ ძიებას ახალი ინვესტორების ჩასართველად ამ პროექტში და მე დარწმუნებული ვარ, რომ ანაკლიის ეკონომიკური პროექტი იქნება ბოლომდე მიყვანილი, იქნება უფრო გამართული, უფრო დახვეწილი პროექტი და მასში უფრო საიმედო ადამიანები ჩაერთვებიან“, - განაცხადა არჩილ თალაკვაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი