„საერთაშორისო გამჭვირვალობა - საქართველოს” ოფისში, „გამარჯვებული საქართველოს” წევრები ირაკლი ოქრუაშვილის საქმესთან დაკავშირებით, „საერთაშორისო გამჭვირვალობა-საქართველოს“ აღმასრულებელ დირექტორს, ეკა გიგაურს ხვდებიან.

პარტიის ერთ-ერთი ლიდერის, კოტე კემულარიას განცხადებით, შეხვედრაზე ოქრუაშვილის წინააღმდეგ მიმდინარე სამართლებრივ საქმეებს განიხილავენ.

„ეს ავტორიტეტული ინსტიტუცია, საერთაშორისო არასამთავრობო ორგანიზაცია, კარგად იცნობს პოლიტპატიმრების თემას. დეტალურად შეისწავლეს მათ ირაკლი ოქრუაშვილის და კობა კოშაძის საკითხი. დროის ამ მონაკვეთში გავიდა დაჩქარებული სასამართლო პროცესები, სადაც ირაკლი ოქრუაშვილის კონსტიტუციური უფლებები ირღვევა, სადაც მას ახალი თემა მიაწებეს, იმიტომ, რომ ვადა გასდის ძველს - ჩვენ სწორედ ამ თემებს განვიხილავთ. ჩვენ ამ თემას ასე არ დავტოვებთ“, - განაცხადა კემულარიამ.