ბადრი ჯაფარიძე - ანაკლიაში რუსული კომპანია არ შემოდიოდა, ეს სიცრუეა, რომელიც გია ვოლსკის ახასიათებს - მისი შეფასებები საბჭოთა პროკურორების განცხადებებს მაგონებს

პოლიტიკური გაერთიანება „ლელოს“ დამფუძნებლის ბადრი ჯაფარიძის განმარტებით, მისი და ხაზარაძის განცხადება, რომ ქვეშეთი-კობის გზის მშენებლობით, საქართველო რუსეთს ტანკების კომფორტულად შემოსვლის საშუალებას აძლევს, „ხატოვნად იყო ნათქვამი“. ბადრი ჯაფარიძის თქმით, საუბარია იმაზე, რომ ჩრდილოეთიდან ჩვენთან ტანკები შემოდის, ხოლო დასავლეთიდან - ტექნოლოგია, დახმარება და კეთილი ნება.

,,დღევანდელი სახელმწიფო აჩერებს იმ პროექტს, რომელსაც უდიდესი სტრატეგიული მნიშვნელობა აქვს. სახელმწიფო დევნის წარმატებულ ბიზნესმენებს და პოლიტიკური ნიშნით უტევს მოაზროვნე ადამიანებს. სწორედ ეს არის ანტისახელმწიფოებრივი ქმედება. რაც შეეხება ჩვენს განცხადებას, ეს მოკლე ანალიზს მოიცავს დღევანდელი მთავრობის პრიორიტეტების შესახებ. დღევანდელმა მთავრობამ უარი თქვა ანაკლიის კონსორციუმისთვის ნებისმიერი გარანტიის გაცემაზე. მათთვის პრიორიტეტი აღმოჩნდა ჩრდილოეთის მიმართულებით განვითარება. ქვეყანა 500 მილიონ დოლარამდე იღებს სესხს და ამ დროს იგივე მთავრობა უარს ამბობს ანაკლიის პროექტზე, რომელიც ქვეყნისთვის სტრატეგიული მნიშვნელობისაა.

რაც შეეხება იმას, რომ ,,ტანკს და ოკუპაციას ასფალტი არ სჭირდება“, ეს იყო ხატოვნად ნათქვამი. აქ საუბარია იმაზე, რომ ჩრდილოეთიდან ჩვენთან ტანკები შემოდის, ხოლო დასავლეთიდან - ტექნოლოგია, დახმარება და კეთილი ნება. დაუშვებელია ჩრდილოეთისკენ ვექტორის მიმართვა იმ დროს, როდესაც იბლოკება დასავლეთის ინტეგრაციისკენ მიმავალი პროექტები. სწორედ ეს ვთქვით შედარებისთვის,“ - განაცხადა ბადრი ჯაფარიძემ.

ჯაფარიძე ასევე გამოეხმაურა გია ვოლსკის განცხადებას, რომლის თქმითაც, რუსული აგრესიის განმეორების შემთხვევაში, ტანკის მოასფალტებულ გზაზე სიარული დღის წესრიგში არ იდგება.

გარდა ამისა, ჯაფარიძის თქმით, სიმართლეს არ შეესაბამება გია ვოლსკის განცხადება, რომ ანაკლიის კონსორციუმი რუსულ კომპანიას თანამშრომლობას სთავაზობდა.

„ვოლსკის შევახსენებ, რომ თავის დროზე როკის გვირაბი რომ არ გაეყვანათ, რუსული ტანკები ასე სწრაფად ვერ შემოვიდოდნენ. რუსეთთან დამაკავშირებელი ყველა გზიდან სამხედრო ტექნიკა შემოიყვანეს. შესაბამისად, შეგვიძლია ვთქვათ, რომ ჩრდილოეთიდან ზიანის მეტი არაფერი მიგვიღია. ამიტომაც გაჩნდა ამ ხატოვანი შედარების აუცილებლობა.

ანაკლიაში რუსული კომპანია არ შემოდიოდა. ეს არის სრული სიცრუე, რომელიც ახასიათებს ვოლსკის და ამაზე კომენტარის გაკეთებაც არ ღირს. დიდი ხანია, ვოლსკი ამოფარებულია პროკურატურას, მისი შეფასებები სწორედ საბჭოთა პროკურორების განცხადებებს მაგონებს. რასაც ის ამბობს უდანაშაულო ადამიანებზე, სხვა არაფერია, თუ არა რუსული საბჭოთა პროკურატურის სტილში გაკეთებული განცხადებები, რაც უდანაშაულო ადამიანებს სდებს ბრალს და შემდგომ იყენებს მათი რეპუტაციის შესალახად’’ , - განაცხადა ბადრი ჯაფარიძემ.

აღნიშნულ კომენტარს პოლიტიკური მოძრაობა „ლელოს“ პრესსამსახური ავრცელებს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა