„ანაკლიის განვითარების კონსორციუმის“ დირექტორი - იურისტებთან კონსულტაციები მიმდინარეობს, მთავრობას შევთავაზებთ კონკრეტულ ხედვას, როგორ შეიძლება საარბიტრაჟო დავა თავიდან ავირიდოთ

„ანაკლიის განვითარების კონსორციუმის“ გენერალური დირექტორი ლევან ახვლედიანი აცხადებს, რომ კონკრეტული წინადადება, თუ როგორ ხედავს კონსორციუმი ანაკლიის პორტთან დაკავშირებით საარბიტრაჟო დავის თავიდან არიდებას, დამუშავების პროცესშია. ამის შესახებ ახვლედიანმა „ინტერპრესნიუსს“ ინფრასტრუქტურის მინისტრის განცხადების კომენტირებისას განუცხადა.

„ინტერპრესნიუსის“ კითხვაზე, რა მოთხოვნებს წაუყენებს კონსორციუმი მთავრობას და მათ შორის, შესაძლოა, თუ არა კონსორციუმმა უკვე განხორციელებული75 მილიონი დოლარის ინვესტიციის უკან დაბრუნება მოითხოვოს, ახვლედიანი შემდეგნაირად პასუხობს:

„კონკრეტული მოთხოვნები ამ ეტაპზე შემუშავებული არ გვაქვს. ჯერჯერობით კონსულტაციები მიმდინარეობს, იურისტები მუშაობენ. მოთხოვნების გათვალისწინებით, რომელიც ფორმულირებული გვექნება ხელშეკრულებასთან თუ ჩვენს ინვესტიციასთან მიმართებაში, მთავრობას შევთავაზებთ კონკრეტულ ხედვას , თუ როგორ შეიძლება დავა თავიდან ავირიდოთ.

რა თქმა უნდა , იურიდიულ მოთხოვნებთან ერთად არის ფინანსური მოთხოვნები. ზოგადად,ჩადებულ ინვესტიციასთან ერთად არის რეპუტაციული ზიანი , რომელიც კონკრეტულ ფინანსურ მოთხოვნაში გაერთიანდება. ჯამში რა რაოდენობის თანხაზე და რა საკითხებზე იქნება საუბარი, დეტალებს უახლოეს დროში გავაჟღერებთ “,-აღნიშნა ახვლედიანმა.

მისივე თქმით, არბიტრაჟის შემთხვევაში კონსორციუმის არგუმენტები მყარი იქნება, რამდენადაც მთავრობის ქმედებებმა და გარკვეულწილად უმოქმედობამ, შეუშალა ხელი პროექტის წარმატებას და ამის მტკიცებულებები არსებობს.

შეგახსენებთ, რეგიონალური განვითარებისა და ინფრასტრუქტურის მინისტრმა მაია ცქიტიშვილმა განაცხადა, რომ ვინაიდან საარბიტრაჟო დავის ინიციატორი კონსორციუმია, სწორედ მან უნდა წარუდგინოს მთავრობას ხედვა, თუ რაში ხედავს საარბიტრაჟო დავის თავიდან არიდების რესურსს და რა მოთხოვნები აქვს.

ცნობისთვის, საქართველოს მთავრობის გადაწყვეტილებით, 2020 წლის 9 იანვარს „ანაკლიის განვითარების კონსორციუმთან“ ანაკლიის ღრმაწყლოვანი პორტის პროექტთან დაკავშირებით 2016 წელს გაფორმებული ხელშეკრულება შეწყდა. მხარეებს 60 დღიანი წინა საარბიტრაჟო ვადა აქვთ, რომელიც დავის თავიდან აცილების მიზნით მოლაპარაკებისთვის უნდა გამოიყენონ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი