მაია ცქიტიშვილი - გიგი უგულავას დაკავებას და დიალოგის შესაძლებლობას ნუ დავუკავშირებთ ერთმანეთს - მართლმსაჯულებას არ აქვს კარგი ან ცუდი დრო

ვიცე-პრემიერის, რეგიონული განვითარებისა და ინფრასტრუქტურის მინისტრის მაია ცქიტიშვილის განცხადებით, ოპოზიცია გიგი უგულავას დაკავების ფაქტს ხელისუფლებასთან დიალოგის ჩაშლისთვის იყენებს.

როგორც მან ჟურნალისტებთან საუბრისას აღნიშნა, მოლაპარაკებების განხილვა საჭიროა დიალოგის რეჟიმში და არა ქუჩის აქციების პროცესში.

„გიგი უგულავას დაკავებას და დიალოგის შესაძლებლობას ნუ დავუკავშირებთ ერთმანეთს. მართლმსაჯულებას არ აქვს კარგი ან ცუდი დრო, არ შეიძლება იყოს მოსახერხებელი და მოუხერხებელი დრო მართლმსჯასულებისთვის. სამწუხაროა, რომ მისი აღსრულების დრომ შექმნა განცდა, რომ ეს შეიძლება იყოს პოლიტიკურად მოტივირებული ან პოლიტიკასთან დაკავშირებული. სამწუხაროა, რომ ოპოზიცია იყენებს ამ ფაქტს დიალოგის ჩაშლისთვის. რა თქმა უნდა, შევუერთდები ჩემს კოლეგებს ოპოზიციისკენ მოწოდებაში, რომ დავსხდეთ მოლაპარაკების მაგიდასთან“, - განაცხადა მაია ცქიტიშვილმა.

შეგახსენებთ, უზენაესმა სასამართლომ გიგი უგულავა ე.წ. ფონდის საქმეზე თანხის გაფლანგვაში დამნაშავედ ცნო და 3 წლით და 2 თვით პატიმრობა განუსაზღვრა.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 20.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ