არჩილ თალაკვაძე უგულავას საქმეზე -  მესმის წუხილი, რაც იყო გამოთქმული - საკითხი, ვფიქრობ, უნდა ამოიწუროს, მიუკერძოებელი მისიის დასკვნებით

პარლამენტის თავმჯდომარის არჩილ თალაკვაძის განცხადებით, კითხვების მოსახსნელად და დეზინფორმაციის ასაცილებლად ევროპარლამენტს ქართული მხარე გიგი უგულავას საქმეზე ფაქტების შემსწავლელი მისიის შექმნას სთავაზობს.

როგორც თალაკვაძემ ჟურნალისტებს განუცხადა, სწორედ მისიის დასკვნის შემდეგ ამოიწურება ის კითხვები, რაც პარტნიორებს გიგი უგულავას დაკავების დროსთან დაკავშირებით აქვთ.

“ადამიანურად ვწუხვარ, რომ ის პატიმრობაში აღმოჩნდა და სასამართლომ დაადგინა ბრალეულობა, დიდი ოდენობით საჯარო ფინანსების გაფლანგვასთან დაკავშირებით. ვხედავთ, რომ ოპოზიციის მხრიდან წარმოიშვა კითხვები და არაერთმა დაინტერესებულმა ადამიანმა გამოთქვა თავისი მოსაზრება. სწორედ ამიტომ, ჩვენ დღეს ევროპაში მაღალი დონის ვიზიტებზე, რომელიც კალაძემ და კობახიძემ გამართეს, ევროპარლამენტს შევთავაზეთ ფაქტების შემსწავლელი მისიის შექმნა და გამოგზავნა საქართველოში, რომელსაც ექნება სრული ხელმისაწვდომობა საქმის მასალებსა და გარემოებებზე. მზად ვართ და დაველოდებით მისიის დასკვნას. მესმის ის წუხილები, რაც იყო გამოთქმული. სხვათაშორის შემთხვევით არ არის, რომ ყველა ჩვენი პარტნიორი მხოლოდ დროსთან დაკავშირებით ამახვილებდა ყურადღებას. ეს საკითხი, ვფიქრობ, უნდა ამოიწუროს, მიუკერძოებელი მისიის დასკვნებით. არცერთ დემოკრატიულ სახელმწიფოში მართლმსაჯულება და სასამართლო არ ელოდება არჩევნებს-,“ - განაცხადა თალაკვაძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა