ირაკლი შოთაძე უგულავაზე - არ შეიძლება, არ გავიხსენოთ ყოფილი მერის მიერ ჩადენილი სხვა კორუფციული  ფაქტები  - „თბილსერვისის“ საქმე, სადაც 5 მილიონამდე ლარის პარტიული მიზნებისთვის გამოყენება მოხდა

საქართველოს გენერალური პროკურორობის კანდიდატის, ირაკლი შოთაძის განცხადებით, „თბილსერვისის“ საქმეზე 5 მილიონამდე ლარის პარტიული მიზნებისთვის გამოყენების ფაქტი დაფიქსირდა.

შოთაძემ იურიდიულ საკითხთა კომიტეტის სხდომაზე დედაქალაქის ყოფილი მერის, გიგი უგულავას თაობაზე ისაუბრა და განაცხადა, რომ იმ პერიოდში, მერიის მიერ „სითი პარკისთვის“ თანხების არამიზნობრივი ჩარიცხვა შესაბამისი დარღვევებით ხდებოდა.

„არ შეიძლება არ გავიხსენოთ ყოფილი მერის მიერ ჩადენილი სხვა კორუფციული ფაქტები, რაზეც ასევე დადგენილი არის განაჩენი. შემიძლია გაგახსენოთ დასუფთავების სამსახურის- „თბილსერვისის“ საქმე, სადაც მსგავსი მეთოდით მოხდა პარტიული მიზნებისთვის 5 მილიონამდე ლარის გამოყენება. ასევე , მინდა გაგახსენოთ „სითი პარკის“ საქმე, რომელზეც ჯერჯერობით განაჩენი დამდგარი არ არის. როგორც ჩემთვის ცნობილია, მიმდინარეობს არსებითი განხილვა, სადაც მერიის მიერ შესაბამისი დარღვევებით ხდებოდა თანხების არამიზნობრივი ჩარიცხვა „სითი პარკისთვის“. საუბარია 2 მილიონამდე ლარზე. რაც შეეხება მიყენებულ ზიანს, როგორ უნდა მოხდეს მიყენებული ზიანის ანაზღაურება, ამის შესაბამისი სამართლებრივი გზა არსებობს, რაც ვფიქრობ, აუცილებლად უნდა განხორციელდეს. დღეს საკმაოდ ხმამაღლა შეგვიძლია ვისაუბროთ, რომ ეს დანაშაული იყო იმიტომ, რომ სამივე ინსტანციის განაჩენი არის უკვე დამდგარი. იმ უწყებას, რომლის საბიუჯეტო ასიგენებები არამიზნობრივად გაიხარჯა, უფლება აქვს სამოქალაქო წესით იდავოს იმ არაკეთილსინდისიერი მოხელეების მიმართ, რომლებმაც მოახდინეს ამ თანხების არამიზნობრივი გახარჯვა და სამოქალაქო წესით მოითხოვოს სახელმწიფოსთვის მიყენებული ზიანის ანაზღაურება. ეს არის სამართლებრივი გზა, როგორც უნდა მოხდეს ამ თანხების ამოღება. რაც შეეხება 14 მილიონ ლარს და ამ ქმედებაში ჩართულ სხვა შესაძლო პირებს, შემიძლია გითხრათ, რომ ამ შემთხვევაში ასეულობით ადამიანზე იყო პლასტიკური ბარათები დამზადებული, მაგრამ რეალურად, ბარათები მოქალაქეების სარგებლობაში არ იყო“,-განაცხადა შოთაძემ.

იხილეთ ვიდეო: გენ. პროკურორობის კანდიდატმა გიგი უგულავას საქმეზე ისაუბრა

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა