კორონავირუსის საწინააღმდეგო ვაქცინის სწრაფად შექმნის საკითხზე დონალდ ტრამპი ფარმაცევტული კომპანიების წარმომადგენლებს შეხვდება

მას შემდეგ, რაც კორონავირუსით აშშ-ში პირველი პაციენტი დაიღუპა დადასტურდა, აშშ-მა სხვა ქვეყნებთან მიმოსვლის შესახებ დამატებითი შეზღუდვები დააწესა, - ამის შესახებ აშშ-ის პრეზიდენტმა დონალდ ტრამპმა და ვიცე-პრეზიდენტმა მაიკ პენსმა ერთობლივ პრესკონფერენციაზე განაცხადეს.

შეზღუდვები შეეხო ირანიდან შემსვლელ მოგზაურებს, ხოლო კონსულტაციები გაიცა იტალიასთან და სამხრეთ კორეასთან დაკავშირებით. კონკრეტულად კი, ხელისუფლება ამერიკელებს მოუწოდებს, რომ იტალიის რეგიონებსა და სამხრეთ კორეაში მგზავრობას თავი აარიდონ. აშშ-მა მანამდე ჩინეთთან მიმოსვლის წესები გაამკაცრა.

ტრამპის განცხადებით, კორონავირუსის საწინააღმდეგო ვაქცინის შექმნის თაობაზე, ორშაბათს ფარმაცევტული კომპანიების ხელმძღვანელებთან ის თეთრ სახლში შეხვედრას გამართავს.

„ჩვენ ვისაუბრებთ ვაქცინის ძალიან სწრაფად შექმნის თაობაზე. მათ ამაზე მუშაობა უკვე დაიწყეს“, - აღნიშნა ტრამპმა და მან აქვე მოსახლეობას სიმშვიდისკენ მოუწოდა.

ამასთან, როგორც ტრამპმა პრესკონფერენციაზე აღნიშნა, ოთხი ამერიკელის ჯანმრთელობის მდომარეობა სერიოზულია. მაიკ პენსის განცხადებით, კი საჭირო არ არის, რომ ჯანმრთელმა ადამიანმა ვირუსისგან დამცავი ნიღაბი შეიძინოს. მისივე თქმით, ხელისუფლებამ 40 მილიონზე მეტი ნიღაბი მოიმარაგა.

შეგახსენებთ, რომ აშშ-ში კორონავირუსით პაციენტის გარდაცვალების პირველი შემთხვევა დადასტურდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს