დავით სარალიძის განზრახ ჯგუფურად მკვლელობაში მსჯავრდებული მიხეილ კალანდიას ადვოკატი ზურაბ თოდუა კალანდიას საქმის მოსამართლის, ნიკოლოზ მარსაგიშვილის წინააღმდეგ დისციპლინარული დევნის დაწყების მოთხოვნით იუსტიციის საბჭოს დამოუკიდებელ ინსპექტორთან საჩივარს შეიტანს.

აღნიშნულის შესახებ „ინტერპრესნიუსს“ ზურაბ თოდუამ განუცხადა. როგორც ადვოკატი განმარტავს, საჩივარს ხვალ, 11:00 საათზე შეიტანს.

„ხვალ, 2020 წლის 05 მარტს, 11:00 საათზე, იუსტიციის საბჭოს დამოუკიდებელ ინსპექტორთან შემაქვს საჩივარი მოსამართლე ნიკოლოზ მარსაგიშვილის წინააღმდეგ დისციპლინარული დევნის დაწყების მოთხოვნით. საფუძველი - მოსამართლე ნიკოლოზ მარსაგიშვილი მიხეილ კალანდიას საქმის განხილვისას სისტემატიურად იყენებს მობილურ ტელეფონს და ერთობა სოციალურ ქსელებით“, - აცხადებს თოდუა.