"ერთიანი ნაციონალური მოძრაობა" მთავრობისგან სწრაფი ტესტების შეძენაზე კონტრაქტების გასაჯაროებას ითხოვს. როგორც "ინტერპრესნიუსს" პარტიიდან აცნობეს, აღნიშნულის შესახებ დღეს გამართულ ბრიფინგზე სალომე სამადაშვილმა ისაუბრა.

"გაგვიჩნდა საფუძვლიანი ეჭვი, რომ საზოგადოების ინტერესი - მოვიპოვოთ სარწმუნო, შეღავათიანი და სწრაფი ტესტი რაც შეიძლება სწრაფად, ბიძინა ივანიშვილის კარზე ახალი დაპირისპირების დასაწყისი გახდა. სხვადასხვა ჯგუფები ცდილობენ ეს კონტრაქტები ჩაიგდონ ხელში. მოვითხოვთ, მოგვაწოდონ სრული ინფორმაცია ყველა იმ მოლაპარაკებაზე, რომელიც მიმდინარეობს ტესტების შეძენის თაობაზე", - განაცხადა სამადაშვილმა.