თბილისის სახელმწიფო სამედიცინო უნივერსიტეტის რექტორი მადლობის წერილს აქვეყნებს

თბილისის სახელმწიფო სამედიცინო უნივერსიტეტის რექტორი, პროფესორი ზურაბ ვადაჭკორია მადლობის წერილს აქვეყნებს. როგორც “ინტერპრესნიუსს” სამედიცინო უნივერსიტეტიდან აცნობეს, რექტორი სტუდენტებსა და რეზიდენტებს მოქალაქეობრივი და პროფესიული მოვალეობის შესრულებისთვის მადლობას უხდის.

როგორც რექტორის მადლობის წერილშია აღნიშნული, COVID-19-თან ბრძოლის პერიოდში თბილისის სახელმწიფო სამედიცინო უნივერსიტეტის 500-ზე მეტი სტუდენტი და რეზიდენტი თავდაუზოგავად შრომობს საქართველოს სხვადასხვა კლინიკაში, საკარანტინო ზონებსა და სხვა ცხელ წერტილებში.

“ჩემო ახალგაზრდა კოლეგებო, მოგმართავთ ყველა სტუდენტსა და რეზიდენტს, რომლებიც ამ მძიმე სიტუაციაში თქვენს მოქალაქეობრივ და პროფესიულ ვალს პირნათლად იხდით სწავლით ყველა ჩვენთაგანისთვის უჩვეულო გარემოში, კლინიკებში მუშაობით, ქველმოქმედებით, ქვეყნისთვის მნიშვნელოვანი და სასარგებლო ინიციატივების ხორცშესხმით. COVID-19-თან ბრძოლის ამ ურთულეს პერიოდში თბილისის სახელმწიფო სამედიცინო უნივერსიტეტის 500-ზე მეტი სტუდენტი და რეზიდენტი თავდაუზოგავად შრომობს საქართველოს სხვადასხვა კლინიკაში, საკარანტინო ზონებსა და სხვა ცხელ წერტილებში. გაცილებით მეტი სრულიად უანგაროდ, საკუთარი ინიციატივით ეხმარება სამედიცინო პერსონალს, ან ჩართულია საზოგადოებრივ მოძრაობაში და ზრუნავს უმწეო მდგომარეობაში მყოფ ადამიანებზე. ჩვენი უნივერისტეტის პროფესურისა და ადმინისტრაციის სახელით, დიდი მადლობა მინდა გადაგიხადოთ თითოეულ თქვენგანს ამ თავდადებისთვის. ვამაყობ, რომ თქვენ, როგორც თბილისის სახელმწიფო სამედიცინო უნივერსიტეტის წარმომადგენლები, მოწოდების სიმაღლეზე ხართ და ღირსეულად წარადგენთ თქვენს ალმა-მატერს საზოგადოების წინაშე,”- აღნიშნულია წერილში.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია