სამგორის რაიონის გამგებლის, კახა სამხარაძის განცხადებით, ვარკეთილის ბაზრობის მფლობელთან შეხვედრა დღესვე მოხდება.

როგორც სამხარაძემ შემთხვევის ადგილზე ჟურნალისტებს განუცხადა, ბაზრობის ტერიტორიაზე ხანძრის კერები აღარ არის და საშიშროებაც მოხსნილია.

„მთავარია, რომ ხანძარი ლოკალიზებულია და მიმდინარეობს მისი სრული ლიკვიდაცია. რაც მთავარია დაზიანებული არავინ გვყავს და ხანძარი არც კორპუსზე და არც ბენზინგასამართ სადგურზე არ გადასულა. ახლა ველოდებით შეხვედრას ბაზრის მფლობელთან, ავკრეფთ ინფორმაციას და დავიწყებთ ხალხთან მუშაობას. ხანძრის კერა აღარ არის და არც საშიშროებაა. ყველაფერი არ არის დამწვარი, შიგნით სპეციალისტები მუშაობენ. ვერ მოგცემთ ინფორმაციას სრული დაზღვევა იყო თუ არა ობიექტების“, - განაცხადა სამხარაძემ.