ვარკეთილის ბაზრობის მოვაჭრეების ნაწილი აცხადებს, რომ პროდუქცია დაზღვეული არ ჰქონდათ

ვარკეთილის შერეულ ბაზრობაზე დასაქმებულები ხანძრის გაჩენას გაუმართავ ელექტროგაყვანილობას უკავშირებენ.

როგორც ისინი „ინტერპრესნიუსთან“ აცხადებენ, ბოლო პერიოდში ბაზრობაზე რემონტი მიმდინარეობდა და სავარაუდოდ, ელექტოგაყვანილობამ დატვირთვას ვერ გაუძლო.

"აბა ამდენ "სვარკას" გაუძლებდა ეს გაყვანილობა? ხოდა ვერ გაუძლო გაყვანილობამ. ბევრი მუშაობა მიდიოდა. გაყვანილობამ ვერ გაუძლო და იფეთქა ალბათ“, - აცხადებს ერთ-ერთი მოვაჭრე.

მოვაჭრეების ნაწილი ამბობს, რომ მათ ბაზრობაზე დახლების მოწესრიგება დასრულებული ჰქონდათ.

რაც შეეხება პროდუქციის დაზღვევას, მოვაჭრეების ნაწილი "ინტერპრესნიუსთან" საუბრისას აცხადებს, რომ პროდუქცია მათ დაზღვეული არ ჰქონდათ.

ცნობისთვის, ვარკეთილში შერეულ ბაზარში ხანძარი გაჩნდა. ცეცხლი ამ დროისთვის ლოკალიზებულია და მიმდინარეობს სალიკვიდაციო სამუშაოები. წინასწარი ინფორმაციით, დამწვარია დაახლოებით 1000 კვ.მ. ფართობი. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ს 187-ე მუხლის მე-2 ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს