რომან გოცირიძე - ნელ-ნელა იკვრება წრე და არც თუ ისე შორსაა ივანიშვილისათვის სანქციების დაწესების დრო

ამერიკის კონგრესის საბიუჯეტო კომიტეტმა მიიღო გადაწყვეტილება, რომ საქართველოს თავდაცვის გაძლიერებისათვის მომავალი წლის ბიუჯეტიდან გამოყოფილი თანხების 15 პროცენტი გაყინოს, რაც 20 მილიონ დოლარს შეადგენს, - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ „ინტერპრესნიუსს“ განუცხადა. მისივე თქმით, პროცესი აქამდე ბიძინა ივანიშვილის ახირებამ მიიყვანა, რომ ციხიდან არ გაათავისუფლოს გიორგი რურუა.

„პირველად ისტორიაში ამერიკა საქართველოს სანქციებს უწესებს. ამერიკის კონგრესის საბიუჯეტო კომიტეტმა მიიღო გადაწყვეტილება, რომ გაყინოს საქართველოს თავდაცვის გაძლიერებისათვის მომავალი წლის ბიუჯეტიდან გამოყოფილი თანხების 15 პროცენტი, რაც 20 მილიონ დოლარს შეადგენს. ამის მიზეზად სახელდება სამი რამ: დემოკრატიის შეზღუდვა, კორუფცია და ბიზნესზე ზეწოლა. ამ პრობლემების მოგვარების შემდეგ, ამერიკის მთავრობა შეძლებს ამ თანხების საქართველოსთვის გადმოცემას. მთავარი მიზეზი არის საკონსტიტუციო შეთანხმების შეუსრულებლობა და პოლიტპატიმრების გათავისუფლების ვალდებულების უგულებელყოფა. ფაქტობრივად, ივანიშვილის ახირებამ - არ გაათავისუფლოს გიორგი რურუა - მიიყვანა პროცესები აქამდე. ნელ-ნელა იკვრება წრე და არც თუ ისე შორსაა ივანიშვილისათვის სანქციების დაწესების დრო. ჰკითხავს ივანიშვილი თავის „მენცარებს“: ნუთუ 20 მილიონი ღირს გიორგი რურუა? ჭკვიანი რომ ჰყავდეს გვერდით, ეტყოდა, რომ რურუაში კი არა, საქმე დემოკრატიაშია და შეიძლება 5,5 მილიარდის სანქციების ქვეშ მოყოლად დაგიჯდესო,“ - განაცხადა გოცირიძემ.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა