ადვოკატი - რამდენიმე სამართალდამცველის მხრიდან დისციპლინური დარღვევის გამოვლენა მარიანა ჩოლოიანის ბრალთან კავშირში არ არის

სახელმწიფო ინსპექტორის სამსახურის მიერ ლუკა სირაძის გარდაცვალების საქმეზე რამდენიმე სამართალდამცველის მხრიდან დისციპლინური დარღვევის გამოვლენა მარიანა ჩოლოიანის ბრალთან კავშირში არ არის, - ამის შესახებ ჟურნალისტებს მარიანა ჩოლოიანის ადვოკატმა, არჩილ შაბაშვილმა განუცხადა.

"ეს მარიანა ჩოლოიანის ბრალეულობასთან კავშირში არ არის. თუ მის მიმართ რამე ექნებოდათ, უკვე წარმოდგენილი ექნებოდათ სასამართლოში", - განაცხადა შაბაშვილმა.

საქმის პროკურორის, ლევან ქუთათელაძის განცხადებითაც, სახელმწიფო ინსპექტორის სამსახურის წარმოებაში არსებულ საქმეზე სისხლის სამართლებრივი დევნის დაწყების საფუძველი არ არსებობს.

„სახელმწიფო ინსპექტორის სამსახურმა შინაგან საქმეთა სამინისტროში გადააგზავნა ინფორმაცია შესაძლო დისციპლინურ ფაქტებთან დაკავშირებით, რაც შეეხება გამოძიებას, მარიანა ჩოლოიანის ბრალდების სისხლის სამართლის გარდა, სახელმწიფო ინსპექტორის სამსახურის წარმოებაშია დღესაც სისხლის სამართლის საქმე, სადაც დღეის მდგომარეობით, სისხლის სამართლის დევნის დაწყების საფუძველი არ არსებობს. ხაზს ვუსვამ სიახლისამართლებრივ დევნას და არა დისციპლინურ პასუხისმგებლობას, რომლის გადაწყვეტილების მიმღები ორგანოც არის უწყება, სადაც მუშაობდნენ ის პირები, რომელთაც შესაძლოა, ჰქონდეთ დისციპლინური გადაცდომა", - აცხადება ქუთათელაძე.

დღევანდელ სასამართლო პროცესზე ბრალდების მხარის ორი მოწმე - ლუკა სირაძის მეგობრები დაიკიხნენ. შემდეგი სასამართლო პროცესი 17 ივლისს, 11:00 საათზე გაიმართება.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი