ომბუდსმენი ლუკა სირაძის საქმეზე - ვფიქრობ, სულ მცირე ერთ-ერთ ეპიზოდში, რომელიც მოწმეზე ზემოქმედების მცდელობას გულისხმობს, არის დანაშაულის ნიშნები

სახალხო დამცველის ნინო ლომჯარიას განცხადებით, მოწმეების ჩვენებით დასტურდება, რომ ლუკა სირაძის საქმესთან დაკავშირებით, ზეწოლა მხოლოდ ერთი სამართალდამცველის მხრიდან არ ხორციელდებოდა.

როგორც ლომჯარიამ ჟურნალისტებს განუცხადა, დანაშაული იკვეთება საქმის ერთ-ერთ ეპიზოდში, როდესაც ერთ-ერთი პოლიციელი მოწმეებზე ზეწოლის განხორციელებას ცდილობდა.

„საქმის მასალების შესწავლის შედეგად, მე ვფიქრობ, რომ ფსიქოლოგიურ ზეწოლას ადგილი ჰქონდა არამხოლოდ ერთი პოლიციელის მხრიდან და ეს მოწმეთა ჩვენებებითაც დასტურდება. თუმცა, რამდენად შემადგენელია მათ ქმედებებში სისხლის სამართლის დანაშაულის ნიშნები, ეს უკვე შეფასების საგანია. ვფიქრობ, რომ სულ მცირე ერთ-ერთ ეპიზოდში, რომელიც გულისხმობს მოწმეზე ზემოქმედების მცდელობას, არის დანაშაულის ნიშნები, როდესაც ერთ-ერთი პოლიციელი მომხდარის შემდეგ ცდილობდა მოწმეებზე განეხორციელებინა ზეწოლა თითქოს არაფერი მომხდარა, თითქოს მას არ მოუხდენია ზეწოლა გარდაცვლილ არასრულწლოვანზე. ამიტომ ამ ეპიზოდს სჭირდება უფრო კარგად შეფასება. ჩვენ ვხედავთ აქ დანაშაულის ნიშნებს. რაც შეეხება სხვა ეპიზოდებს, ჩვენ გამოვითხოვთ ინფორმაციას გენერალური ინსპექციისგან და ვნახავთ, რამდენად იყო ადეკვატური შეფასება ამ საქმეებთან დაკავშირებით“, - განაცხადა ლომჯარიამ.

ცნობისთვის, 15 წლის მოზარდმა ლუკა სირაძემ სიცოცხლე თვითმკვლელობით გასული წლის დეკემბერში, პოლიციაში გამოკითხვის შემდეგ დაასრულა. აღნიშნულთან დაკავშირებით სამართალდამცავებმა გამომძიებელი მარიანა ჩოლოიანი დააკავეს. მას თბილისის საქალაქო სასამართლომ აღკვეთის ღონისძიების სახით პატიმრობა 19 დეკემბერს შეუფარდა.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან