შატილში გუშინ მომხდარი ავარიის შედეგად ხევში გადავარდნილი ჯიპის ტიპის ავტომანქანა ესკავატორით ამოიყვანეს. მანამდე, ავარიის ადგილზე, ხევში გადავარდნილი მიკროავტობუსი სპეცტექნიკის საშუალებით ამოიყვანეს.

ადგილზე ექსპერტ-კრიმინალისტებმა მუშაობა დაასრულეს.

შეგახსენებთ, დუშეთის მუნიციპალიტეტში, შატილის გზაზე მიკროავტობუსი 80 მეტრის სიმაღლიდან გუშინ საღამოს გადავარდა. ბოლო მონაცემებით, 17 ადამიანი გარდაიცვალა, 3 კი დაშავდა. მიკროავტობუსი ტურისტულ კომპანიას ეკუთვნოდა და მას ტურისტები გადაჰყავდა. დაღუპულთა შორის ერთი უცხოელია.