ევროკავშირის ელჩი საქართველოში კარლ ჰარცელი შატილის გზაზე მომხდარ ავტოსაგზაო შემთხვევის შედეგად დაღუპულთა ოჯახებს სამძიმარს უცხადებს.

„დღეს ევროკავშირის დროშა დავებულია, რადგან ვგლოვობთ მათ, ვინც კვირას შატილის გზაზე ტრაგიკულად დაიღუპა. ფიქრებით დაღუპულთა ოჯახებსა და მეგობრებთან ვართ და დაზარალებულებს უსწრაფესად გამოჯანმრთელებას ვუსურვებთ,“- წერს კარლ ჰარცელი სოციალურ ქსელ „ტვიტერში“.

შეგახსენებთ, რომ შატილის გზაზე ავარიას 17 ადამიანი ემსხვერპლა, 3-ის მდგომარეობა კი კრიტიკულად მძიმეა.