ლევან რატიანი - ავარიისას დაშავებული ერთი პაციენტის მდგომარეობა, რომელსაც ოპერაცია ჩაუტარდა, მძიმეა, თუმცა უარყოფითი დინამიკა არ ვლინდება

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, შატილის გზაზე მომხდარი ავარიის შედეგად დაშავებული ერთ-ერთი პაციენტის ჯანმრთელობის მდგომარეობა, რომელსაც ოპერაცია გუშინ ჩაუტარდა, მძიმეა, თუმცა უარყოფითი დინამიკა არ ვლინდება.

“ერთ პაციენტთან, იცით, რომ იყო ნაწლავის გახეთქვა, გაიკერა ნაწლავი. ამ ეტაპამდე მისი ჯანმრთელობის მდგომარეობა რჩება მძიმედ, მაგრამ უარყოფით დინამიკა მუცლის მხრივ, არ ვლინდება.

ჯერჯერობით პერესტალტიკა არ არის აღდგენილი, მაგრამ მას სჭირდება დრო. ვიმედოვნებთ, რომ ამ რთულ გზას, რაც ამ პაციენტებმა უნდა გაიარონ გამოჯანმრთლების პირობებში ბეწვის ხიდზე, რა თქმა უნდა, ალბათ, წარმატებით გავივლით მათთან ერთად“, - განაცხადა ლევან რატიანმა.

შეგახსენებთ, 23 აგვისტოს, დუშეთის მუნიციპალიტეტში, შატილის გზაზე მიკროავტობუსი 80 მეტრის სიმაღლიდან გადავარდა.

შემთხვევის შედეგად, 17 ადამიანი გარდაიცვალა, 3 კი დაშავდა.

შატილის გზაზე მომხდარი ტრაგედიისას დაღუპულთა ხსოვნის პატივსაცემად 25 აგვისტო გლოვის დღედ გამოცხადდა.

იხილეთ ვიდეო:ახალი ინფორმაცია შატილის გზაზე ავტოსაგზაო შემთხვევის შედეგად დაშავებულების ჯანმრთელობის მდგომარეობის შესახებ

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს