traveler.ge-ს დამფუძნებლის განცხადებით, ტრაგედიამდე გიდს ესაუბრა, რომელმაც დაადასტურა, რომ „ყველაფერი რიგზე იყო“ და მათ არანაირი პრობლემა არ ჰქონდათ

ტურისტული კომპანია traveler.ge-ს დამფუძნებლის, შალვა ბოლოთაშვილის განცხადებით, ის ტრაგედიამდე გიდს ესაუბრა, რომელმაც დაადასტურა, რომ „ყველაფერი რიგზე იყო“ და მათ არანაირი პრობლემა არ ჰქონდათ.

როგორც ბოლოთაშვილმა საგურამოს პოლიციაში გამოკითხვის დასრულების შემდეგ ჟურნალისტებთან განმარტა, ზარის განხორციელებას საგამოძიებო უწყებაშიც ადასტურებენ.

„4 საათსა და 45 წუთზე ვეკონტაქტე გიდს სერგოს, რომელმაც მითხრა, რომ ყველაფერი რიგზე იყო. ნამდვილად ფიქსირდება ჩემი ტელეფონიდან დანარეკი. შესაბამისად, თავადაც ადასტურებენ საგამოძიებო უწყებები, რომ ვესაუბრე. მან დაადასტურა, რომ ყველაფერი რიგზე იყო. მანამდე არანაირი პრობლემა არ ჰქონიათ. ეს დადასტურებული ფაქტია“,-განაცხადა ბოლოთაშვილმა.

მისი თქმით, მიმდინარე გამოძიების ფარგლებში კომპანიის სხვა წარმომადგენლებიც იკითხებიან.

შეგახსენებთ, რომ შატილის გზაზე ავარიას 17 ადამიანი ემსხვერპლა, 3 კი კრიტიკულად მძიმეა. ტურისტული კომპანია traveler.ge-ს კუთვნილი მიკროავტობუსი, რომელიც ხევსურეთში ერთდღიან ტურს ახორციელებდა, 80 მეტრის სიმაღლიდან გადავარდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს