მოლდოვის რესპუბლიკაში საქართველოს საელჩოს, შატილის გზაზე მომხდარი ტრაგიკული ავტოსაგზაო შემთხვევისას დაღუპულთა მიმართ სამძიმრის გამოსახატად მოლდოვის რესპუბლიკის საგარეო საქმეთა და ევროპული ინტეგრაციის მინისტრი ოლეგ ცულია ეწვია. ამის შესახებ „ინტერპრესნიუსს“ საქართველოს საგარეო საქმეთა სამინისტროდან აცნობეს.

უწყების ინფორმაციით, მინისტრმა მოლდოველი ხალხისა და რესპუბლიკის მთავრობის სახელით თანადგომა გამოხატა დაღუპულთა ოჯახებისა და სრულიად საქართველოს მიმართ.

შეგახსენებთ, შატილის გზაზე ავარიას 17 ადამიანი ემსხვერპლა, 3 კი კრიტიკულად მძიმეა. ტურისტული კომპანია traveler.ge-ს კუთვნილი მიკროავტობუსი, რომელიც ხევსურეთში ერთდღიან ტურს ახორციელებდა, 80 მეტრის სიმაღლიდან გადავარდა.