ფილარმონიასთან აფეთქების შედეგად ერთი ადამიანი დაიღუპა. ამის შესახებ „ინტერპრესნიუსის“ კორესპონდენტი ადგილიდან იუწყება, სასწრაფო დახმარების ჯგუფს ადგილზე გარდაცვლილი მამაკაცი დახვდა.

მისი განმარტებით, დაშავებულია კიდევ სამი მოქალაქე, აქედან ერთი ალადაშვილის კლინიკაში გადაიყვანეს, ერთი რესპუბლიკურში და ერთი- ხეჩინაშვილის კლინიკაში.

ვრცელდება ინფორმაცია, რომ ერთ-ერთი დაშავებული კლუბ „დეჟავუს“ მენეჯერია.

ამ დროისთვის ფილარმონიის მიმდებარე ტერიტორია პოლიციის თანამშრომლებს სპეციალური ლენტით აქვთ შემოსაზღვრული და იქ შესაბამისი სამუშაოები მიმდინარეობს.