ნიკოლოზ ვაშაკიძე - მართალია, 500 000-იანი მასშტაბის რუკა გარეჯის მონაკვეთში ქართულ მხარეს პრობლემას უქმნიდა, მაგრამ გადაწყვეტილი იყო, რომ საკითხი ტერიტორიის მონაცვლეობის გზით მოგვარებულიყო

500 000-იანი მასშტაბის რუკა გარეჯის მონაკვეთში ქართულ მხარეს პრობლემას უქმნიდა, მაგრამ გადაწყვეტილი იყო, რომ საკითხი ტერიტორიის მონაცვლეობის გზით მოგვარებულიყო, - ამის თაობაზე საგარეო საქმეთა მინისტრის ყოფილმა მოადგილემ ნიკოლოზ ვაშაკიძემ “პალიტრანიუსის“ გადაცემა “დღის ნიუსრუმში“ განაცხადა.

ვაშაკიძე იმასაც ამბობს, რომ 200 000-იანი მასშტაბის რუკა საქართველო-აზერბაიჯანის საზღვრის მთელი პერიმეტრის თვალსაზრისით, ქვეყნისთვის მომგებიანი არ არის.

“როცა საუბარია იმაზე, რომ საქართველომ სახელმძღვანელოდ 200 000-იანი მასშტაბის რუკა უნდა აიღოს და როცა მხოლოდ გარეჯის მონაკვეთს უყურებ, ვინმემ დასვა კითხვა - საქართველო-აზერბაიჯანის საზღვარი დაახლოებით 600 კილომეტრია, რაც დელიმიტაციას მოითხოვს, დანარჩენი ასეულობით კილომეტრ ნაწილში აღნიშნული რუკა საქართველოსთვის სასარგებლოა?! მე როგორც მაქვს ინფორმაცია, ჩვენთვის ეს რუკა მთლად კარგი და მომგებიანი საზღვრის მთელი პერიმეტრის თვალსაზრისით, არ არის. ყველა შესაძლო პლიუსის, მინუსის, სასურველის გათვალისწინებით მიღებულ იქნა ოპტიმალური გადაწყვეტილება, რომ საფუძვლად 500 000-იანი მასშტაბის რუკა აეღოთ, რასაც 1996 წელს მოეწერა ხელი. მართალია, ეს რუკა ზუსტად გარეჯის მონაკვეთში ქართულ მხარეს პრობლემას უქმნიდა, მაგრამ გადაწყვეტილი იყო, რომ საკითხი ტერიტორიის მონაცვლეობის გზით გადაწყვეტილიყი. სწორედ ამ მიმართულებით მიდიოდა მუშაობა“, - განაცხადა ნიკოლოზ ვაშაკიძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა