მამუკა ხაზარაძე დავით გარეჯის საქმეზე - საკმარისი არგუმენტები არ არის, რომ ადამიანები, რომლებიც არსად მირბიან, ციხეში იყვნენ - ეს არის სირცხვილი!

საკმარისი არგუმენტები არ არის, რომ ადამიანები, რომლებიც არსად მირბიან, ციხეში იყვნენ. ეს არის სირცხვილი! ძალიან ცუდი, ანტისახელმწიფოებრივი, ანტიქართული თამაშია, - ამის შესახებ “ლელო საქართველოსთვის“ პრემიერ-მინისტრობის კანდიდატმა მამუკა ხაზარაძემ „პალიტრანიუსის“ გადაცემა „360 გრადუსში“ დავით გარეჯის საკითხზე საუბრისას განაცხადა.

როგორც ხაზარაძემ აღნიშნა, მას არ აქვს განცდა, რომ ნატალია ილიჩოვას და ივერი მელაშვილს დანაშაული აქვთ ჩადენილი.

„არ შეიძლება „კარტოგრაფების თემა“ წამოიწიოს, როდესაც აზერბაიჯანსა და სომხეთს შორის ომი მიდის. მე ვერანაირად ვერ გავიგე, რატომ არის ეს ორი ადამიანი დღეს ციხეში. არაფერზე ხელი მოწერილი არ არის, არავის არაფერი გადაუცია. საკმარისი არგუმენტები არ არის, რომ ადამიანები, რომლებიც არსად მირბიან, ციხეში იყვნენ. ეს არის სირცხვილი! ძალიან ცუდი, ანტისახელმწიფოებრივი, ანტიქართული თამაშია. სურთ დავარდნილი რეიტინგიდან ყურადღება გადაიტანონ იმაზე, რომ თურმე მათ შეუძლიათ ამ საკითხის გადაწყვეტა. ეს არის უბედურება ჩვენი ქვეყნის. არ მიჩნდება განცდა, რომ დანაშაული იყო ჩადენილი. თუ ვინმეს ჰგონია, რომ ეს ორი ადამიანი წყვეტს სახელმწიფო საზღვრის თემას და არ იყვნენ ამაში ჩართულები ისტორიკოსები, ექსპერტები... ორი ადამიანი იყო კომისიაში ჩართული?! სად არიან საგარეო საქმეთა მინისტრები? ამ პროკურატურის დაჯერება როგორ შეიძლება? ეს ხომ „ნაციონალური მოძრაობის“ გადმოპორტირებული პროკურორები არიან „ქართულ ოცნებაში“. ყველაზე არ მაქვს ლაპარაკი, მაგრამ მე ხომ ვიცი, როგორ იკერება საქმეები?! ჩვენ ხომ ყველამ ვიცით, რომ სასამართლო არ არის ამ ქვეყანაში. ან ჭაობში უნდა გავაგრძელოთ ცხოვრება, ან უარი ვუთხრათ ძველ მენტალურ პოლიტიკას და პოლიტიკოსებს და ახალი, სუფთა ხალხი შემოვიყვანოთ პოლიტიკაში“, - განაცხადა ხაზარაძემ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია