არჩილ თალაკვაძის განცხადებით, „ნაცმოძრაობა“ დავით გარეჯის საქმესთან დაკავშირებით თავს იმართლებს, რაც კითხვებს აჩენს

საქართველოს პარლამენტის თავმჯდომარის, არჩილ თალაკვაძის განცხადებით, „ნაციონალური მოძრაობა“ დავით გარეჯის საქმესთან დაკავშირებით თავს იმართლებს, რაც კითხვებს აჩენს.

არჩილ თალაკვაძის თქმით, დავით გარეჯის საკითხი ზეპარტიული საკითხია, რომელიც საქართველოს თითოეულ მოქალაქეს აერთიანებს.

„ რა თქმა უნდა, ეჭვებს ბადებს ის, რომ ოპოზიცია თავს იმართლებს დავით გარეჯზე. ეს არის უბრალოდ სამარცხვინო, რომ ამ მნიშვნელოვან საკითხზე ოპოზიცია პოლიტიკური თავის მართლების რეჟიმშია. რა თქმა უნდა, ეს კითხვებს ბადებს. მაგრამ ამას ექნება სამართლებრივი შეფასებები და გამოძიება“,-განაცხადა არჩილ თალაკვაძემ.

არჩილ თალაკვაძის თქმით, „ნაციონალურმა მოძრაობამ“ საქართველოს მოქალაქეებს უღალატა, მათ ბრძოლის ველზე მიატოვეს საკუთარი ჯარისკაცები.

„ ნაციონალური მოძრაობა“ ორკესტრირებულად არის თავის მართლების რეჯიმში. ეს აჩენს კიდევ უფრო მეტ კითხვას . მათ უღალატეს საქართველოს, საქართველოს მოქალაქეებს იქნებოდა ეს ადამიანის უფლებების სფეროში თუ საკუთრების ჩამორთმევის სფეროში. მათ მედიას, დასავლურ ღირებულებებს უღალატეს. საკუთარი ჯარისკაცები მიატოვეს ბრძოლის ველზე, რა თქმა უნდა, აჩენს კითხვებს რატომ იმართლებენ თავს დავით გარეჯთან დაკავშირებით. გარწმუნებთ ამას სამართლიანი გამოძიების ფარგლებში გაეცემა პასუხი“,-განაცხადა არჩილ თალაკვაძემ.

ცნობისთვის, საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემული რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)