სერგი კაპანაძე ზაზა გახელაძეზე - მთავრობის ძალიან დიდი ჩავარდნაა, რომ ჩვენი მოქალაქე ოკუპირებულ ტერიტორიაზე ასეთი ტიპის სანქციის ქვეშ ხვდება

„ევროპული საქართველოს“ ერთ-ერთი ლიდერის, სერგი კაპანაძის შეფასებით, ცხინვალის დე ფაქტო სასამართლოს მიერ ზაზა გახელაძისთვის უკანონო პატიმრობის შეფარდება, „საქართველოს ხელისუფლების ძალიან დიდი ჩავარდნაა.

მისი თქმით, მთავრობა მომხდარზე რეაგირების ნაცვლად, პირიქით, იმაზე ზრუნავს, ზაზა გახელაძის ოჯახს ოპოზიციასთან კონტაქტი არ ჰქონდეს.

როგორც კაპანაძემ აღნიშნა, „ევროპული საქართველოს“ მიერ შემუშავებული ოთხოზორია-ტატუნაშვილის სიის ეფექტური ამოქმედება ამგვარი ფაქტების პრევენციას მოახდენდა.

„მთავრობის ძალიან დიდი ჩავარდნაა, რომ ოკუპირებულ ტერიტორიაზე, სრულიად უდანაშაულო ჩვენი მოქალაქე, რომელსაც არაფერი დაურღვევია, ასეთი ტიპის სანქციის ქვეშ ხვდება. სახელმწიფო სამსახურები რეაგირებით კი არ არიან დაკავებული, არამედ უშიშროება იმაზე ზრუნავს, ოპოზიციასთან კონტაქტი არ ჰქონდეს ოჯახს და რაიმე ინფორმაცია გარეთ არ გავიდეს. ეს იმაზე მეტყველებს, რომ საერთოდ აცდენილები არიან რეალობას და აცდენილი აქვთ მთავარ პრობლემებზე აქცენტები. ამიტომ იყო მნიშვნელოვანი, რომ ეფექტურად ამოქმედებულიყო ოთხოზორია-ტატუნაშვილის სია, რომელიც „ევროპულმა საქართველომ“ ხელისუფლებას შესთავაზა და მაშინ გაიტანა პარლამენტში. მას შემდეგ მათ არცერთი ნაბიჯი არ გადაუდგამთ, რომ ეს სია ეფექტური ყოფილიყო, ხოლო იმ ადამიანების მიმართ, რომლებიც პასუხისმგებლები არიან ჩვენი მოქალაქეების წამებაზე, მოკვლაზე, უკანონო დატყვევებაზე, სანქციები გატარებულიყო. ეს გარკვეული ტიპის პრევენცია იქნებოდა, რომ მომავალში ოკუპირებულ ტერიტორიებზე მსგავსი ფაქტები აღარ მომხდარიყო და აღარ მოხდეს“, - განაცხადა კაპანაძემ.

ცნობისთვის, ოკუპირებული ცხინვალის ე.წ. უზენაესმა სასამართლომ საქართველოს მოქალაქეს, კასპის მუნიციპალიტეტის სოფელ ქვემო ჭალაში მცხოვრებ ზაზა გახელაძეს 12 წლით და 6 თვით თავისუფლების აღკვეთა მიუსაჯა.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ