ივერი მელაშვილი - როცა ჰაერზე ამბობ, თურმე, ჩვენი ტერიტორიის გადაცემა მოხდაო, სულ მცირე დილეტანტიზმია, თუ არადა, მიზანმიმართული სიცრუეა აწყობილი იმისათვის, რომ საზოგადოება შეცდომაში შევიყვანოთ

როცა ჰაერზე ამბობ, თურმე, ჩვენი ტერიტორიის გადაცემა მოხდაო, სულ მცირე დილეტანტიზმია, თუ არადა, მიზანმიმართული სიცრუეა აწყობილი იმისათვის, რომ საზოგადოება შეცდომაში შევიყვანოთ, - ამის შესახებ საქართველოს ტერიტორიების საწინააღმდეგოდ ჩადენილ ქმედებაში ბრალდებულმა ივერი მელაშვილმა სასამართლო პროცესზე განაცხადა.

როგორც მან განმარტა, იმის მტკიცებულება, რომ ივერი მელაშვილმა და ნატალია ილიჩოვამ საკუთარი ქმედებების შედეგად ტერიტორიის ნაწილი მეორე მხარეს გადასცეს, არ არსებობს.

„წარმოუდგენელია ისეთი რამის მტკიცება, რაც ბრალდებას წარმოდგენილი აქვს. 20000-იანი რუკიდან გამომდინარე ლაპარაკობენ იმაზე თითქოს, ოდესღაც, საზღვარი ისე გადიოდა, როგორც იმ რუკაზეა მითითებული და თურმე, ივერი მელაშვილმა და ნატალია ილიჩოვამ ძირგამომთხრელი მოქმედებების შედეგად გადასცეს მეორე მხარეს.

არ არსებობს ამის არც დოკუმენტალური მასალა, არც სხვა რუკა რომ ადასტურებდეს, იმეორებდეს ისეთ დახაზულობას, როგორც 200 000-იანი მასშტაბის რუკაზეა. თუ ქართული მხარე სარგებლობდა, მას მიწათსარგებლობა უნდა ჰქონოდა, ეს საბჭოთა კავშირის დროს ეჭვგარეშე იყო, ან კოლმეურნეობას უნდა კუთვნებოდა, ან საბჭოთამეურნეობას და ა.შ. ეს ძალიან მნიშვნელოვანია, როდესაც ესენი არ გაქვს და ჰაერზე ამბობ, თურმე, რაღაც ჩვენი ტერიტორიის გადაცემა მოხდა, სულ მცირე დილეტანტიზმია, თუ არადა, მიზანმიმართული სიცრუეა აწყობილი იმისათვის, რომ საზოგადოება შეცდომაში შევიყვანოთ. სხვას ამას ვერაფერს დავარქმევთ.

მოწმეთა ჩვენებებია მოყვანილი, ისეთი ტყუილებია მითითებული, პირველი კურსის იურისტს ეჭვი შეეპარებოდა, თურმე, აზერბაიჯანის დელეგაცია ჩვენს დელეგაციასთან ერთად შეკრებილა დავით გარეჯის მონასტერში, იქ რუკები გაუშლიათ და მამაოებთან ერთად დაუწყიათ მისი განხილვა, თან აზერბაიჯანის დელეგაციაში ვიღაც ქალბატონი ყოფილა. იცით რაშია საქმე? მუსლიმები არიან, წარმოუდგენელი რამეა, მათი შეკრება მონასტერში მომხდარიყო, ეს იგივეა, აზერბაიჯანში შეხვედრაზე რომ გადავდივართ, მეჩეთებში შევიკრიბოთ. ამას გარდა, აზერბაიჯანის დელეგაციაში ქალი არ ყოლიათ, პირადად, მე ასეთი რამ არ მახსოვს. ამას ხომ მოგონება უნდა, ტყუილი უნდა შეთხზა, გენერალური პროკურატურის განსაკუთრებულ საქმეთა დეპარტამენტი იძიებს, რიგითი პატარა გამომძიებლები ხომ არ არიან? ეს ყველაფერი იმას მაფიქრებინებს, რომ მიზანმიმართული ქმედებებია", - განაცხადა მელაშვილმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს