ირაკლი ქადაგიშვილი საგამოძიებო კომისიაზე - „ლელოს“ ეს გამოხტომა ახალი აცდენილობაა რეალობიდან - რამენაირად თავი გაიმართლოს „ნაციონალური მოძრაობის“ წინაშე, რატომ მოაწერა ხელი
„ლელოს“ ეს გამოხტომა, არის ახალი აცდენილობა არსებული რეალობიდან,- ამის შესახებ საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა „პალიტრანიუსის“ გადაცემაში „რეზიუმე“ განაცხადა, რითაც გამოეხმაურა „ლელო საქართველოსთვის“ ინიციატივას, 20 ივნისის საქმეზე დროებითი საგამოძიებო კომისიის შექმნაზე.
ქადაგიშვილის განმარტებით, „ლელო“ ამ ინიციატივით, „ნაციონალურ მოძრაობასთან“ თავის მართლებას ცდილობს.
„იმ შეთანხმებაში, რაც წერია ეტყობა არ წაუკითხავთ. ეს არის მთელი უბედურება. ისეთ ლაბირინთში შევიდნენ, უჭირთ გამოსვლა. ამნისტია, იმიტომ არის მოგონილი, რომ სასამართლო პროცესები გაჩერდეს. ვინ გამოიკვლიოს? ნიკა მელია, რომელიც ალბათ, ყველაზე მთავარი ფიგურანტია ამ საქმის. ეს აბსოლუტური უაზრობაა. ეს არის ურთიერთთავისმართლების პროცესი, რომ რამენაირად „ლელომ“ თავი გაიმართლოს „ნაციონალური მოძრაობის“ წინაშე, რატომ მოაწერა ხელი. ამხელა ხალხი არიან და ასეთ მდგომარეობაში ჩაიგდეს თავი“,- განაცხადა ირაკლი ქადაგიშვილმა.
v-if="article.gallery" v-html="article.gallery"
