მოსკოვი და მინსკი შეშფოთებულნი არიან იმ პოლიტიკით, რომელსაც ევროკავშირი რუსეთისა და ბელარუსის მიმართ ატარებს, - ამის შესახებ რუსეთის საგარეო საქმეთა მინისტრმა სერგეი ლავროვმა ბელარუს კოლეგა ვლადიმირ მაკეისთან გამართული შეხვედრის შემდეგ განაცხადა.
„ჩვენ გამოვთქვით შეშფოთება იმ პოლიტიკის გამო, რომელსაც ევროკავშირი ატარებს ჩვენი ქვეყნების მიმართ“, - აღნიშნა ლავროვმა.
მისი თქმით, ევროკავშირის პოლიტიკის ხაზი არ შეიძლება შეფასდეს, როგორც კონსტრუქციული. რუსეთის საგარეო უწყების ხელმძღვანელმა ხაზი გაუსვა, რომ მოსკოვსა და მინსკს აქვთ საერთო ხედვა, თუ როგორ უნდა მიაღწიონ პროგრესს თანამშრომლობის ყველა გზაზე, მათ შორის ინტეგრაციის საკითხებში.
„ჩვენ გვაქვს საერთო ხედვა იმის შესახებ, თუ როგორ უნდა ვიაროთ თანამშრომლობის გზებზე, მათ შორის ინტეგრაციისა და საგარეო პოლიტიკის კოორდინაციას საკითხების მიმართულებით, მსოფლიოში დღეს არსებული არამარტივი ვითარების ფონზე,“ - აღნიშნა ლავროვმა.
