„ინტერპრესნიუსის“ ფოტოკორესპონდენტის, გიორგი ნიკოლიშვილის ინტერესებს „ადამიანის უფლებათა ცენტრი“ დაიცავს.

მათივე ინფორმაციით, „ადამიანის უფლებათა ცენტრის“ აღმასრულებელი დირექტორის მოადგილე იურიდიულ საკითხებში, ნესტან ლონდარიძე დაზარალებულს ესაუბრა და შეუთანხმა სამართლებრივი პროცედურები, რაც დაკავშირებული იქნება სისხლის სამართლის საქმის გამოძიებასთან.

„„ადამიანის უფლებათა ცენტრი“ გიორგი ნიკოლაშვილის წინააღმდეგ განხორციელებულ თავდასხმაზე სისხლის სამართლის საქმის აღძვრას და დამნაშავეთა გამოვლენას მოითხოვს და პროკურატურას შესაბამისი განცხადებით მიმართავს.

რადიკალური ჯგუფების მიერ ორგანიზებულ ჰომოფობიურ აქციაზე დაზარალებული ფოტოკორესპონდენტი ამჟამად ერთ-ერთ კლინიკაში იმყოფება. თავდასხმის შედეგად მან გონება დაკარგა“,- აღნიშნავენ გავრცელებულ ინფორმაციაში.