რატი იონათამიშვილი - ჟურნალისტებზე თავდასხმა ნიშნავს სახელმწიფოსა და დემოკრატიაზე თავდასხმას

ჟურნალისტებზე თავდასხმა ნიშნავს სახელმწიფოსა და დემოკრატიაზე თავდასხმას, - ამის შესახებ საპარლამენტო უმრავლესობის წევრმა, რატი იონათამიშვილმა გუშინ მედიის წარმომადგენლებზე თავდასხმასთან დაკავშირებით განაცხადა.

მან ძალადობა დაგმო და განაცხადა, რომ აუცილებელია მომხდარზე სამართლებრივად ადეკვატური და სწრაფი რეაგირება იყოს.

“თითოეული ჩვენთაგანი უნდა გავემიჯნოთ და დაგვმოთ ძალადობის ნებისმიერი ფორმა, განსაკუთრებით, თუ ეს ძალადობა ხორციელდება ჟურნალისტების მიმართ, ეს არის კატეგორიულად მიუღებელი, იმიტომ, რომ ჟურნალისტებზე თავდასხმა ნიშნავს თავდასხმას სახელმწიფოსა და დემოკრატიაზე, ამიტომ, თითოეული ჩვენთაგანის ამოცანა არ არის მხოლოდ დაგმობა, არამედ სამართლებრივი, ადეკვატური და სწრაფი რეაგირება თითოეულ ასეთ შემთხვევაზე, იმიტომ, რომ იმ ადამიანმა, ვინც ბედავს ხელი შეუშალოს ჟურნალისტს თავის საქმიანობაში და მასზე ფიზიკურად იძალადოს, კანონის სრული დაცვით უნდა აგოს პასუხი“, - განაცხადა იონათამიშვილმა.

ჟურნალისტების კითხვაზე, გუშინ განვითარებული მოვლენების ფონზე, უნდა გადადგეს თუ არა პრემიერ-მინისტრი ირაკლი ღარიბაშვილი, რატი იონათამიშვილმა უპასუხა, რომ „კონკრეტულ პირებზე აპელირება პოლიტიკური დღის წესრიგის ნაწილია“.

„ამ შემთხვევაში, კონკრეტულ პირებზე აპელირება ვფიქრობ, რომ ეს არის პოლიტიკური დღის წესრიგის ნაწილი, რომელსაც იმ მიზნებთან არაფერი აქვს საერთო, რასაც ჰქვია, რომ ჩვენ ეს სტანდარტი უნდა დავიცვათ, ძალადობაზე უნდა ვთქვათ უარი და სამართლებრივი პასუხი უნდა მოვთხოვოს ყველას. როდესაც კონკრეტულ პირებზე აკეთებენ ხოლმე აქცენტს, მაგალითად, „ნაციონალური მოძრაობა“ ყოველ ჯერზე იმეორებს, ეს არის უპასუხისმგებლო დამოკიდებულება და მათ აქვთ პოლიტიკური ინტერესი ამ შემთხვევაში“,-განაცხადა იონათამიშვილმა.

ცნობისთვის, , თბილისში გუშინ განვითარებული მოვლენებისას 16 მედიასაშუალების 50-მდე ჟურნალისტი, ოპერატორი და ფოტოგრაფი დაშავდა.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა