ნათია თურნავა - დაშავებული ჟურნალისტები, რაც ჩვენ ვიხილეთ, ყოვლად მიუღებელია - დარწმუნებული ვართ, სამართალდამცველები გამოიძიებენ

რაც ჩვენ ვიხილეთ, ყოვლად მიუღებელია - ჩვენი ხელისუფლების ერთ-ერთი მონაპოვარია თავისუფალი სიტყვა და თავისუფალი სივრცე ჟურნალისტებისთვის, - ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს განუცხადა, რითაც „პრაიდის“ მოწინააღმდეგეების მიერ მედიის წარმომადგენლების ცემისა და მათზე თავდასხმის ფაქტებს გამოეხმაურა.

როგორც თურნავამ აღნიშნა, ხელისუფლება ყველაფერს გააკეთებს, რათა თითოეული ასეთი ფაქტი ბოლომდე იქნეს გამოძიებული.

„ძალადობა არის დასაგმობი, განსაკუთრებით, როდესაც ჟურნალისტებს მათ საქმიანობაში ხელი ეშლებათ და ხდება შეტევა ჟურნალისტებზე. ფაქტები და დაშავებული ჟურნალისტები, რაც ჩვენ ვიხილეთ, ყოვლად მიუღებელია. დარწმუნებული ვართ, სამართალდამცველები გამოიძიებენ და დადგება სამართლებრივი შედეგი.

ჩვენი გუნდის ლიდერებმა გააკეთეს განცხადება, რომლის მიხედითაც ცალსახად დაგმეს ძალადობა. ძალადობა მართლაც ყოვლად მიუღებელია ჟურნალისტებთან მიმართებით. ჩვენი ხელისუფლების ერთ-ერთი მონაპოვარია თავისუფალი სიტყვა, თავისუფალი სივრცე და გარემო ჟურნალისტებისთვის, რომ იმუშავონ. ჩვენ, რასაკვირველია, ყველაფერს გავაკეთებთ იმისთვის, რომ თითოეული ასეთი ფაქტი ბოლომდე იქნეს გამოძიებული“, - განაცხადა თურნავამ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა