არსებული ინფორმაციით, მიხეილ სააკაშვილი თბილისში, ქვიშხეთის ქუჩაზე დააკავეს

საქართველოს ყოფილი პრეზიდენტი მიხეილ სააკაშვილი თბილისში, ქვიშხეთის ქუჩაზე დააკავეს.

არსებული ინფორმაციით, მისი დაკავება ერთ - ერთ საცხოვრებელ ბინაში მოხდა.

"ნაციონალური მოძრაობის" წევრის, მამუკა გუგეშაშვილის განცხადებით, მიხეილ სააკაშვილი სამართალდამცავებმა, სავარაუდოდ, იმ ბინიდან აიყვანეს, რომლის პირველ სართულზეც „ნაციონალური მოძრაობის“ პარტიის ერთ-ერთ შტაბი მდებარეობს.

„სამართალდამცველები, დაახლოებით 4-5 ის ნახევარი იყო, როდესაც დაიწყეს მისამართის კითხვა. კორპუსს ეძებდნენ, შტაბი გვაქვს და დილით, 7:00 საათიდან აქ ვიყავით. 6-ის ნახევარი იყო, როდესაც უამრავი მანქანა მოვიდა, 15-20 მანქანა იქნებოდა. ვერ წარმოვიდგინეთ რა ხდებოდა, ვერ წარმოვიდგენდით, რომ ჩვენი შტაბის თავზე იქნებოდა. რომ გვცოდნოდა ასე თავისუფლად როგორ გავატანდით? „ლაივს“ მაინც ჩავრთავდით, ქვეყნის პრეზიდენტი ჩამოდის.

სახლი დაკეტილია და ვის ეკუთვნის არ ვიცი. მეოთხე სართულიდან წაიყვანეს. არ ვიცი მარტო იყო თუ არა სახლში. ვერ წარმოვიდგენდით, რომ მიხეილ სააკაშვილი მიჰყავდათ. არავითარი წინაღმდეგობის გაწევა. რა წინააღმდეგობა? შეგნებულად ჩამოვიდა და ჩაბარდა“, - აღნიშნავს გუგეშაშვილი.

მისივე თქმით, ქუჩა სავსე იყო „შკოდებით“, თვალნათლივ ჩანდა 40-50 სამართალდამცავი.

„ მინიმუმ 8 მანქანა დავინახე, ყველა სავსე. ქუჩა სავსე იყო „შკოდებით“. 40-50 თვალნათლივ ჩანდა“,-განმარტავს გუგეშაშვილი.

ცნობისთვის, საქართველოს ყოფილი პრეზიდენტი, მიხეილ სააკაშვილი დღეს დააკავეს. მიხეილ სააკაშვილის საქართველოში შემოსვლის ფაქტზე გამოძიება საზღვრის უკანონო კვეთის ბრალდებით დაიწყო.

იხილეთ ვიდეო: ვისი ბინიდან აიყვანეს მიხეილ სააკაშვილი?

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო